විනිසුරුවරුන්ට එරෙහිව පැමිණිලි කළහොත් තමන්ට එරෙහිවත් පැමිණිලි කරන්න පුලුවන්... ඉංග්රීසි භාෂාවෙන් ඇති ලේඛන සිංහල භාෂාවෙන් ඉල්ලූ නඩුවේදී අගවිනිසුරු කියයි...!
විනිසුරුවරුන්ට එරෙහිව පැමිණිලි කළහොත් තමන්ට එරෙහිවත් පැමිණිලි කරන්න පුලුවන්...
ඉංග්රීසි භාෂාවෙන් ඇති ලේඛන සිංහල භාෂාවෙන් ඉල්ලූ නඩුවේදී අගවිනිසුරු කියයි...!
දිසා අධිකරණයට ඉදිරිපත් කළ ලිඛිත දේශනයේ ඉංග්රීසි භාෂාවෙන් තිබූ පෞද්ගලික ලේඛන ඇතුලු ඉංග්රීසි භාෂාවෙන් ඇති ලේඛන ආණ්ඩුක්රම ව්යවස්ථාවේ 24.2, 24.3, 24.5 සහ 125 ව්යවස්ථා යටතේ සිංහල භාෂාවෙන් ඉල්ලා සහ ලිඛිත දේශන අවස්ථාගත තත්ත්වය අනුව නඩු වාර්තාවේ කොටසක් විය යුතු බවට පෙත්සම්කරුවෙකු ගොනු කර තිබූ විශේෂ අභියාචනා අවසර ඉල්ලේමේ පෙත්සමක් 2021.08.10 දින ශ්රේෂ්ඨාධිකරණයේ අංක 502 ශාලාවේ අගවිනිසුරු ජයන්ත ජයසූරිය, මහින්ද සමයවර්ධන සහ අර්ජුන ඔබේසේකර විනිසුරුවරු ඉදිරියේ කැදවන ලදී.
දිසා අධිකරණ නඩුවේ විනිසුරුවරුන් දෙදෙනෙකුට සහ සිවිල් අභියාචනාධිකරණයේ විනිසුරුවරුන් දෙදෙනෙකුට එරෙහිව විත්තිකරු විසින් අධිකරණ සේවා කොමිසමට, ජනාධිපතිට පැමිණිලි කර ඇති බව වගඋත්තරකරු වෙනුවෙන් පෙනී සිටි නීතීඥවරයා අධිකරණයට දැනුම් දුන් අතර ඒ සම්බන්ධයෙන් පෙත්සම්කරු කරුණු පැහැදිලි කළ අවස්ථාවේ විනිසුරුවරුන්ට එරෙහිව පැමිණිලි කළහොත් තමන්ට එරෙහිවත් පැමිණිලි කරන්න පුලුවන් යැයි අගවිනිසුරුවරයා පෙත්සම්කරුට දන්වා සිටියේය.
දෙපාර්ශවයේ කරුණුවලට සවන් දී දිසා අධිකරණයට ඉදිරිපත් කළ ලිඛිත දේශනයේ ඉංග්රීසි භාෂාවෙන් තිබූ පෞද්ගලික ලේඛන ඇතුලු ඉංග්රීසි භාෂාවෙන් ඇති ලේඛන ආණ්ඩුක්රම ව්යවස්ථාවේ 24.2, 24.3, 24.5 සහ 125 ව්යවස්ථා යටතේ සිංහල භාෂාවෙන් ඉල්ලීමේ සහ ලිඛිත දේශන අවස්ථාගත තත්ත්වය අනුව නඩු වාර්තාවේ කොටසක් විය යුතු බවට පෙත්සම්කරු ගොනු කර තිබූ විශේෂ අභියාචනා අවසර ඉල්ලේමේ පෙත්සම විභාගයට ගැනීම ප්රතික්ෂේප කිරීමට විනිසුරුවරු තීරණය කළේය.
මාධ්ය අංශය,
වෛද්ය තිලක පද්මා සුබසිංහ අනුස්මරණ නීතිඅධ්යයන වැඩසටහන,
0712063394, 0786016161
Comments
Post a Comment