සිංහලෙන් නීතිය ඉගෙනගත් දැයේ දරුවන් රජය ගෙනෙන ආණ්ඩුක්රම ව්යවස්ථා විරෝධී පනත් සිංහලෙන් නීති තර්ක ගෙන ශ්රේෂ්ඨාධිකරණයේ දී පරදවද්දී සිංහලෙන් නීතිය උගන්නන ගුරුවරුන්ට නීති විද්යාලයේ දොර වැහැව්වේ ඇයි?
සිංහලෙන් නීතිය ඉගෙනගත් දැයේ දරුවන් රජය ගෙනෙන ආණ්ඩුක්රම ව්යවස්ථා විරෝධී පනත් සිංහලෙන් නීති තර්ක ගෙන ශ්රේෂ්ඨාධිකරණයේ දී පරදවද්දී සිංහලෙන් නීතිය උගන්නන ගුරුවරුන්ට නීති විද්යාලයේ දොර වැහැව්වේ ඇයි?
(රජය විසින් 2021.06.08 දින පාර්ලිමේන්තුවට ඉදිරිපත් කළ කොරෝනා පනත් කෙටුම්පත ආණ්ඩුක්රම ව්යවස්ථා විරෝධී බව නීතීඥ අරුණ ලක්සිරි උණවටුන මහතා ශ්රේෂ්ඨාධිකරණයේදී
තහවුරු කර ඇත්තේ සිංහල භාෂාවෙන් නඩු පවරා (SC/SD/24/2021) සහ සිංහල භාෂාවෙන් නීති තර්ක ගෙන ඒමෙනි. කොරෝනා පනත් කෙටුම්පතේ වගන්ති 13ක් ඇති අතර ඉන් වගන්ති 7 ක්ම ආණ්ඩුක්රම ව්යවස්ථාවට පටහැනි බව ශ්රේෂ්ඨාධිකරණය තීරණය කර ඇත. එකී තීරණය 2021.07.06 දින හැන්සාඩ් වාර්තාවේ ඇතුළත් කර ඇත. www.parliament.lk වෙබ් අඩවියට පිවිස හැන්සාඩ් වාර්තා තීරයේ 2021.07.06 දින හැන්සාඩ් වාර්තාව කියවිය හැකිය)
කොරෝනා පනත් කෙටුම්පත ආණ්ඩුක්රම ව්යවස්ථාවට එකග බව නීතීඥ සංගමය පවා තීරණය කර තිබූ අවස්ථාවක සිංහල භාෂාවෙන් නීති තර්ක ඉදිරිපත් කර එකී පනත ආණ්ඩුක්රම ව්යවස්ථාවට පටහැනි බව ශ්රේෂ්ඨාධිකරණය ඉදිරියේ තහවුරු කිරීම සිදුකර තිබීම විශේෂත්වයකි.
2021.07.20 වන දින පුරවැසියන් විසින් නීතීඥ සංගමය වෙත මහජන පෙත්සමක් ඉදිරිපත් කර කොරෝනා පනත් කෙටුම්පත ආණ්ඩුක්රම ව්යවස්ථාවට අනුකූල බවට පූර්ව අනුමිතියකට පැමිණීම සම්බන්ධයෙන් පරීක්ෂා කරන ලෙස ඉල්ලා ඇත.
මෙවැනි තත්ත්වයක් තුළ 2020.12.30 දින සහ 2208/13 අතිවිශෙෂ ගැසට් පත්රය මගින් සිංහල භාෂාවෙන් නීති අධ්යාපනය ලබාදීම සහ සිංහල භාෂාවෙන් නීති විභාග පැවැත්වීම වැළැක්වීමට සංස්ථාගත නීති අධ්යාපන සභාව, නීතිපතිවරයා නීතීඥ සංගමය සහ අධිකරණ ඇමතිවරයා එකතු වී අනු නීති පැනවීම ආණ්ඩුක්රම ව්යවස්ථාවේ 1, 3, 4, 18, 23, 24 සහ 106 ව්යවස්ථාවලට පටහැනි තත්ත්වයක් ද වේ.
සිංහලෙන් නීතිය ඉගෙනගත් දැයේ පුතුන් රජය ගෙනෙන ආණ්ඩුක්රම ව්යවස්ථා විරෝධී පනත් සිංහලෙන් නීති තර්ක ගෙන ශ්රේෂ්ඨාධිකරණයේ දී පරදවද්දී සහ රජය ගෙනෙන ආණ්ඩුක්රම ව්යවස්ථා විරෝධී පනත් කෙටුම්පත් පිළිබඳ නිසි ඇගයීමක් කළ නොහැකි නීතීඥ සංගමයක බලපෑමට අනුව සිංහල භාෂාවෙන් නීති අධ්යාපනය ලබා දීම වැළක්වීම නීතිය පමණක් නොව සදාචාරය අනුවද නිවැරදි නොවේ.
එමගින් සිදුකර ඇත්තේ නීතියේ පාලනය ජනතාවගෙන් තවත් ඈත් කිරීමයි.
මාධ්ය අංශය, වෛද්ය තිලක පද්මා සුබසිංහ අනුස්මරණ නීති අධ්යයන වැඩසටහන.
දුරකථන 0342256066, 0712063394, 0786016161.
Comments
Post a Comment