ඉංග්‍රීසි භාෂාවෙන්ම නීති කටයුතු කිරීමට කියන නීතීඥ සංගමේ නීති විශාරදයන් නිහඩ වෙද්දී සිංහලෙන් නීති තර්ක ගෙන රජයේ ව්‍යවස්ථා විරෝධී පනත් කෙටුම්පත් පරාජය කිරීම තුළ සිංහලෙන් නීති අධ්‍යාපනය සහ නීති විභාග පැවැත්වීම වැළැක්වීම නිවැරදිද?

ඉංග්‍රීසි භාෂාවෙන්ම නීති කටයුතු කිරීමට කියන නීතීඥ සංගමේ නීති විශාරදයන් නිහඩ වෙද්දී සිංහලෙන් නීති තර්ක ගෙන රජයේ ව්‍යවස්ථා විරෝධී පනත් කෙටුම්පත් පරාජය කිරීම තුළ සිංහලෙන් නීති අධ්‍යාපනය සහ නීති විභාග පැවැත්වීම වැළැක්වීම නිවැරදිද?

සිංහලෙන් නීති තර්ක ඉදිරිපත් කර, රජය විසින් 2021 ජූනි 08 දින පාර්ලිමේන්තුවට ඉදිරිපත් කළ "කොරෝනා පනත් කෙටුම්පත" ශ්‍රේෂ්ඨාධිකරණයේ දී SC/SD/24/2021 නඩුව මගින් ආණ්ඩුක්‍රම ව්‍යවස්ථාවට පටහැනිබව නීතීඥ අරුණ ලක්සිරි උණවටුන විසින් තහවුරු කර ඇති අතර, 2021 ජූලි 06 දින පාර්ලිමේන්තු හැන්සාඩ් වාර්තාවේ එකී නඩුවේ ශ්‍රේෂ්ඨාධිකරණ තීරණය දැක්වේ. (ව්‍යවස්ථාදායක උත්තරීතරත්වය සුරකිමින් එකී තීරණය සිංහල භාෂාවෙන් ලබා දෙන ලෙසද එකී නඩුවේ පෙත්සම්කරු පාර්ලිමේන්තුවෙන් ඉල්ලා ඇත) නීතීඥ සංගමයද රජයේ ඉහත ව්‍යවස්ථා විරෝධී පනත් කෙටුම්පත අනුමත කර ඇති බව මාධ්‍ය මගින් ප්‍රසිද්ධියට පත් වී ඇති අතර, එය නීතීඥ සංගමයේ ස්වාධීනත්වයට සහ රටක නීතියේ පාලනයට සුදුසු තත්ත්වයක් නොවේ. සිංහලෙන් නීති තර්ක ඉදිරිපත් කර, රජයේ ආණ්ඩුක්‍රම ව්‍යවස්ථා විරෝධී පනත් කෙටුම්පත් ශ්‍රේෂ්ඨාධිකරණය ඉදිරියේ පරදවනවානම් සිංහලෙන් නීති අධ්‍යාපනය ලබා දීම සහ නීති විභාග පැවැත්වීම වළක්වමින් ආණ්ඩුක්‍රම ව්‍යවස්ථාවේ 1, 3, 4, 23, 24, 106 ව්‍යවස්ථාවලට පටහැනිව 19 වන ආණ්ඩුක්‍රම ව්‍යවස්ථා සංශෝධනය අනුව පත් වූ අධිකරණ ඇමතිගේ මූලිකත්වයෙන් සංස්ථාගත නීති අධ්‍යයන සභාව විසින් 2020.12.30 අංක 2208/13 අතිවිශෙෂ ගැසට්ටු ප්‍රසිද්ධ කළේ ඇයි? ඉංග්‍රීසියෙන් නීති අධ්‍යාපනය ලබා දීම සහ විභාග පැවැත්වීම අනිවාර්යය කිරීමට යෝජනා කළ නීති විශාරදයන් රජය 2021.06.08 දින ගෙනා කොරෝනා පනත් කෙටුම්පතේ ආණ්ඩුක්‍රම ව්‍යවස්ථා විරෝධීබව නොදැක්කේ ඇයි? යන්න නීතියේ පාලනය අපේක්ෂා කරන ජනතාව පිළිතුරු සෙවිය යුතු ප්‍රශ්න වේ. මව් භාෂාවෙන් අධ්‍යාපනය ලබා නොදී රටක් දියුණු කිරීම, රටේ නිෂ්පාදන වර්ධනය කිරීම සහ රටේ තිරසර සංවර්ධනය ඇති කිරීම කළ නොහැකි බව ජපානය, කොරියාව, චීනය, ප්‍රංශය, ජර්මනිය වැනි රටවල් දෙස බැලීමේදී මැනවින් පැහැදිලි වේ...! 2020.12.30 අංක 2208/13 අතිවිශෙෂ ගැසට්ටුව මගින් ජනතාවගේ සිංහල අධිකරණ භාෂා බලය/ අයිතිය අහිමි කිරීමට එරෙහිව වෛද්‍ය තිලක පද්මා සුබසිංහ අනුස්මරණ නීති අධ්‍යයන වැඩසටහනේ මාර්ගෝපදේශකත්වයෙන් අලුත්කඩේ අධිකරණ සංකීර්ණයේ, නිදහස් චතුරශ්‍රයේ විරෝධතා පවත්වා ඇති අතර ඒ සම්බන්ධයෙන් නීති සම්මන්ත්‍රණ පවත්වා ඇති අතර, නීති පත්‍රිකා බෙදා දීමද සිදුකර ඇත. ජනතාවගේ අධිකරණ භාෂා බලය/ අයිතිය අහිමි කිරීමට එරෙහිව 2021 මාර්තු 22 අධිකරණ අමාත්‍යාංශය ඉදිරිපිට විරෝධතාවය ආරම්භ කරන ආකාරය පහත වීඩියෝවේ දැක්වේ...., https://m.youtube.com/watch?v=SnfBWnrT-VE&t=55s&pp=sAQA මාධ්‍ය අංශය, වෛද්‍ය තිලක පද්මා සුබසිංහ අනුස්මරණ නීතිඅධ්‍යයන වැඩසටහන, දුරකථන 0342256066, 0712063394, 0786016161 (2021.08.02)