භාෂා පරමාධිපත්‍යය විමසා බලන නීති අධ්‍යයන වැඩමුළුව ජූලි 18 කොළඹ මහජන පුස්තකාලයේ දී.

භාෂා පරමාධිපත්‍යය සම්බන්ධ නීතිය විමසා බලන නීති අධ්‍යයන වැඩමුළුව ජුලි 18 කොළඹ මහජන පුස්තකාලයේදී...

විධායකයේ සහ ව්‍යවස්ථාදායකයේ භාෂා පරමාධිපත්‍යය ආරක්ෂා කිරීම - උපරිමාධිකරණවල දී භාෂා පරමාධිපත්‍යය ආරක්ෂා කිරීමට නො හැකි වීම - ප්‍රතිඵල සහ විසදුම්

[ජනතාවගේ නෛතික සාක්ෂරතාවය වර්ධනය කිරීම සදහා පවත්වන නීති අධ්‍යයන වැඩමුළු මාලාවේ

07 වන වැඩමුළුව (සිංහල මාධ්‍ය)]

(1972 සහ 1978 ආණ්ඩුක්‍රම ව්‍යවස්ථා - 2000 යෝජිත ආණ්ඩුක්‍රම ව්‍යවස්ථාව සහ ශ්‍රේෂ්ඨාධිකරණ තීරණ

අභිබවනය කළ කතානායක තීරණ ඇසුරෙන්)

විශ්ව විද්‍යාල, නීති විද්‍යාල,උසස් අධ්‍යයන ආයතන සිසුන්, නීතිඥයින්, වෘත්තිකයින් ඇතුළු නීතිය පිළිබද උනන්දු ඕනෑම අයෙකුට සහභාගී විය හැකිය.

දිනය - 2019 ජුලි 18 (බ්‍රහස්පතින්දා) සවස 2.30 – 5.30

ස්ථානය - කොළඹ 07,මහජන පුස්තකාල ප්‍රවේශාගාරයේ දී

නීති මූලාශ්‍ර ලබා දේ

ආසන සීමිතයි

0712063394 දුරකථන අංකයෙන් අමතා ආසනයක් වෙන්කර ගන්න

(ගාස්තු අය කිරීමක් නැත)

නීති අධ්‍යයන වැඩමුළුවේ අන්තර්ගතය

1.       ජනතාවගේ පරමාධිපත්‍යය සහ භාෂා පරමාධිපත්‍යය විස්තර කිරීම සහ ඒවා අතර සම්බන්ධය

2.       විධායකය සහ ව්‍යවස්ථාදායකය රාජ්‍ය භාෂාවෙන් කටයුතු කිරීමත් උපරිමාධිකරණ රාජ්‍ය භාෂාවෙන් කටයුතු නොකිරීමේත් නීතිමය තත්ත්වය

3.       රාජ්‍ය භාෂාව - ජාතික භාෂාව - පරිපාලන භාෂාව - නීති පැනවීමේ භාෂාව - අධිකරණ භාෂාව සම්බන්ධව ආණ්ඩුක්‍රම ව්‍යවස්ථාවේ දක්වා ඇති විධිවිධාන

4.       ජනතාවගේ අයිතිවාසිකම් ආරක්ෂා කළ බණ්ඩාරනායකවරුන්ට වැරදුනේ නීතියේ කොතනද?

5.       සිංහල රාජ්‍ය භාෂාව කිරීම උපරිමාධිකරණවලට අදාල නොවූයේ ඇයි?

6.       භාෂාව සහ මූලික අයිතිවාසිකම් අතර සම්බන්ධය

7.       භාෂාව මත වෙනස්කමකට ලක්නොවීමට නීතිය මගින් පිහිටුවා ඇති ආයතන

8.       19 වන ආණ්ඩුක්‍රම ව්‍යවස්ථා කෙටුම්පත මගින් පොදු ජනතාවගේ භාෂා අයිතිවාසිකම් ආරක්ෂා කිරීමට ගෙන එනු ලැබූ විධිවිධාන පාර්ලිමේන්තුව විසින් ඉවත් කළ ආකාරය

9.       නීතිය පිළිබද මහජන විශ්වාසය තහවුරු වීමට අවශහ්වන උපරිමාධිකරණ නඩු තීන්දුවලට ප්‍රවේශ වීමට ඇති අයිතිය පොදු ජනතාවට තිබේද?

10.   නඩු කටයුතු ප්‍රසිද්ධියේ පැවැත්විය යුතු බවට අදාල ආණ්ඩුක්‍රම ව්‍යවස්ථා ප්‍රතිපාදන පවතින්නේ නඩු විභාගවන අධිකරණ ශාලාවට පැමිණීමට ජනතාවට ඇති අයිතිය පමණද?

11.   උපරිමාධිකරණ නඩු තීන්දු රාජ්‍ය භාෂාවෙන් හෝ අධිකරණ භාෂාවෙන් නොලැබීම ජනතාවගේ නෛතික සාක්ෂරතාවය වර්ධනයට සහ රටේ සංවර්ධනයට බාධාවක්ද?

12.   නීති මූලාශ්‍ර ලෙස ව්‍යවස්ථා සහ උපරිමාධිකරණ නඩු තීන්දු රාජ්‍ය භාෂාවෙන් හෝ අධිකරණ භාෂාවෙන් තිබීම නීතියේ පාලනයට අවශ්‍යද?

විමසීම - නීතිඥ අරුණ ලක්සිරි උණවටුන

B.Sc(Col), PGDC(Col)

දුරකථන 0712063394

විද්‍යූත් තැපැල් arunaunawatuna@gmail.com