" 20 කටු ඔටුන්නක්...2/3 න් සම්මත කරගත් 19 ය සංශෝධනය කිරීමට ජනමතවිචාරණයක් අවශ්ය වූයේ ඇයි?...!" 20 ට කථානායකවරයාගේ සහතිකය යෙදීම ආණ්ඩුක්රම ව්යවස්ථාවේ 76.1 ව්යවස්ථාව උල්ලංඝනය කරන ආකාරය සහ බෲටස්ලාගේ උගුල් පිළිබදව නීතිඥ අරුණ ලක්සිරි ගෙන් ගෝඨාභය රාජපක්ෂ ජනාධිපතිවරයාට විවෘත ලිපියක්....!
" 20 කටු ඔටුන්නක්...2/3 න් සම්මත කරගත් 19 ය සංශෝධනය කිරීමට ජනමතවිචාරණයක් අවශ්ය වූයේ ඇයි?...!"
20 ට කථානායකවරයාගේ සහතිකය යෙදීම ආණ්ඩුක්රම ව්යවස්ථාවේ 76.1 ව්යවස්ථාව උල්ලංඝනය කරන ආකාරය සහ බෲටස්ලාගේ උගුල් පිළිබදව නීතිඥ අරුණ ලක්සිරි ගෙන් ගෝඨාභය රාජපක්ෂ ජනාධිපතිවරයාට විවෘත ලිපියක්....!
නීතිඥ අරුණ ලක්සිරි උණවටුන
විද්යුත් ලිපිනය arunaunawatuna@gmail.com
2020.11.03
ගරු ගෝඨාභය රාජපක්ෂ ජනාධිපතිතුමනි,
" 20 කටු ඔටුන්නක්...2/3 න් සම්මත කරගත් 19 ය, සංශෝධනය කිරීමට ජනමතවිචාරණයක් අවශ්ය වූයේ ඇයි කියා සොයා බලන්න...!"
2/3 න් සම්මත කරගත් 19 ය, සංශෝධනය කිරීමට ජනමතවිචාරණයක් අවශ්ය වූයේ ඇයි කියා ඔබගේ නීති විශාරදයන් වෙතින් විමසීම් කරන ලෙසත්, සහ 20 ට කථානායකවරයාගේ සහතිකය යෙදීම ආණ්ඩුක්රම ව්යවස්ථාවේ 76.1 ව්යවස්ථාව උල්ලංඝනය කරන ආකාරය සහ බෲටස්ලාගේ උගුල් පිළිබදව දැනුවත් කිරීමට මෙම ලිපිය ලියමි.
ඔබතුමා විසින් 20 වන ආණ්ඩුක්රම ව්යවස්ථා සංශෝධන පනත් කෙටුම්පත සම්බන්ධයෙන් ඉදිරි කටයුතු ගෙන යාමට ක්රියා කරන ලද්දේ එහි ජනමතවිචාරණයකට යා යුතු කිසිම සංශෝධනයක් ඇති බවට වන පදනමෙන් නොවේ.
විශේෂයෙන් 20 වන ආණ්ඩුක්රම ව්යවස්ථා සංශෝධන පනත් කෙටුම්පතේ 3 වන වගන්තිය (33 ව්යවස්ථාව), 5 වන වගන්තිය (35 ව්යවස්ථාව), 14 වන වගන්තිය (70 ව්යවස්ථාව), 22 වන වගන්තිය (104 (උ )(උ) ව්යවස්ථාව) මගින් සංශෝධනය කිරීමට උත්සාහ ගත්තේ 19 වන ආණ්ඩුක්රම ව්යවස්ථා සංශෝධනය මගින් පාර්ලිමේන්තුවේ මන්ත්රීවරුන් 2/3 ක් විසින් සංශෝධනය කරගත් ව්යවස්ථා, 2020 පාර්ලිමේන්තුවේ මන්ත්රීවරුන් 2/3 කගේ ඡන්දයෙන් සංශෝධනය කිරීමටය.
ඔබගේ උත්සාහය අසාර්ථක කරමින් පාර්ලිමේන්තුවේ කථානායක මහින්ද යාපා අබේවර්ධන මහතා 20 වන ආණ්ඩුක්රම ව්යවස්ථා සංශෝධන පනත් කෙටුම්පත සම්බන්ධයෙන් ශ්රේෂ්ඨාධිකරණ තීරණය 2020.10.20 දින ප්රකාශ කරමින් පාර්ලිමේන්තුවට දන්වා සිටියේ 20 වන ආණ්ඩුක්රම ව්යවස්ථා සංශෝධන පනත් කෙටුම්පතේ 3 වන වගන්තිය (33 ව්යවස්ථාව), 5 වන වගන්තිය (35 ව්යවස්ථාව), 14 වන වගන්තිය (70 ව්යවස්ථාව), 22 වන වගන්තිය (104 (උ )(උ) ව්යවස්ථාව) මගින් සංශෝධනය කිරීමට පාර්ලිමේන්තුවේ 2/3 ක මන්ත්රීවරුන්ගේ ඡන්දය සහ ජනමතවිචාරණයක් මගින් ජනතාවගේ කැමැත්තද අවශ්ය බවයි.
2/3 න් පාර්ලිමේන්තුව 2015 දී සම්මත කරගත් 19 ය, සංශෝධනය කිරීමට 2020 දී පාර්ලිමේන්තුවට 2/3 ක් සහ ජනමතවිචාරණයක් අවශ්ය වී ඇති බව කථානායකවරයා ප්රකාශ කිරීමත් සමග ආණ්ඩුක්රම ව්යවස්ථාවේ 76.1 ව්යවස්ථාවේ සිංහල භාෂා පාඨය මගින් දක්වා ඇති පාර්ලිමේන්තුවේ ව්යවස්ථාදායක බලයට පටහැනි ලෙස 2020 පාර්ලිමේන්තුවේ ව්යවස්ථාදායක බලය අත්හැරීමට සිදුවී ඇති බව ඔබගේ අවධානයට යොමු කරන අතර, ඒ පිළිවදව ඔබගේ නීති විශාරදයන්ගෙන් විමසන ලෙසත් ඉල්ලා සිටිමි.
එමෙන්ම ආණ්ඩුක්රම ව්යවස්ථාවේ 76.1 ව්යවස්ථාවේ සිංහල භාෂා පාඨය සහ ඉංග්රීසි භාෂා පාඨය අතර වෙනසක් ඇති බවත් ඔතුමාගේ අවධානයට යොමු කරමි.
මේ ආකාරයට පෙර පාර්ලිමේන්තුවක් විසින් පාර්ලිමේන්තුවේ මන්ත්රීවරුන් 2/3 ක් විසින් කරන ලද ව්යවස්ථා සංශෝධනයක් නැවත යථාතත්ත්වයට පත් කිරීමේ සංශෝධනයක් කිරීමට ජනමතවිචාරණයක් පැවැත්වීමට සිදුවන නෛතික තත්ත්වයක් ඇති වුවහොත් 13 වන ආණ්ඩුක්රම ව්යවස්ථා සංශෝධනය ඇතුලු අනෙකුත් ව්යවස්ථා සංශෝධන නැවත යථාතත්ත්වයට පත් කිරීමට ජනමතවිචාරණයක් පැවැත්වීමේ තත්ත්වය දක්වා ව්යාප්ත විය හැකිය.
පෙර පාර්ලිමේන්තුවකට පසු පාර්ලිමේන්තුව ඒ සමාන ක්රියාවකට බැද තැබීමට නොහැකි වීම ප්රජාතන්ත්රවාදී ලක්ෂණයකි. ඒ අනුව 2015 දී පැවති පාර්ලිමේන්තුව විසින් 2/3 මන්ත්රීවරුන්ගේ ඡන්දයෙන් සංශෝධනය කරගත් ව්යවස්ථා නැවත යථාතත්ත්වයට පත්කිරීමට ජනමතවිචාරණයක් පැවැත්වීමට සිදුවීම සුලුවෙන් බැහැර කළ හැකි/ බැහැර කළ යුතු තත්ත්වයක් නොවේ.
මන්ද ආණ්ඩුක්රම ව්යවස්ථාවේ 3 සහ 9 වන ව්යවස්ථා පවා පාර්ලිමේන්තුවේ මන්ත්රීවරුන්ගේ 2/3න් සංශෝධනය කර ගනු ලැබුවහොත් එය නැවත යථාතත්ත්වයට පත්කිරීම සදහාද ජනමතවිචාරණයක් නියම වීමේ අවධානමක් හට ගැනීමය.
මේ තත්ත්වය පිළිබද ඔබගේ ජනාධිපති නීති විශාරදයන්ගේ අවධානය යොමු කිරීම අවශ්ය වන්නේ ජූලියස් සිසර් පහර කෑවේ තමන්ගේම සෙන්ට් සභාවේ බෲටස්ලා අතින් වීම ඓතිහාසිකව පෙන්නුම් කර ඇති හෙයිනි.
19 වැනි ආණ්ඩුක්රම ව්යවස්ථා සංශෝධනය මගින් අහිමි කළ විධායක බලය නැවත ලබා දෙනවා කියමින්, ආණ්ඩුක්රම ව්යවස්ථාවේ 76.1 අනු ව්යවස්ථාවේ සිංහල භාෂා පාඨයට පටහැනිව විධායක බලය ඔබතුමා වෙත පැවරීම විධායක බලය කටු ඔටුන්නක් කර ලබා දීමට ක්රියා කිරීමක් වේ.
මෙය වැරදි පූර්වා දර්ශයක් වන අතර ආණ්ඩුක්රම ව්යවස්ථාවේ 76.1 ව්යවස්ථාවට පටහැනිව 2020 පාර්ලිමේන්තුවේ ව්යවස්ථාදායක බලය අත්හැරීමට සළස්වා විධායක බලය කෙසේ හෝ ඔබතුමා වෙත ලබා දීමට කරන ලද ක්රියාවක් බවත්, එය කටු ඔටුන්නක් බවත් ඔබතුමාගේ අවධානයට යොමු කරමි.
එසේ හෙයින්, 20 කටු ඔටුන්න පිළිබදව දැනුවත් වන ලෙසත්, 2/3 න් සම්මත කරගත් 19 ය සංශෝධනය කිරීමට ජනමතවිචාරණයක් අවශ්ය වූයේ ඇයිද? කියා සොයා බලන ලෙසත් කාරුණිකව ඉල්ලා සිටිමි.
මෙයට,
විශ්වාසී,
නීතිඥ අරුණ ලක්සිරි උණවටුන
Comments
Post a Comment