16 වන නීති අධ්‍යයන වැඩසටහන වැදගත් වන්නේ ඇයි? (2022 දෙසැම්බර් 15 සවස 2.30ට කොළඹ මහජන පුස්තකාලය සම්මන්ත්‍රණ ශාලාවේදී)

16 වන නීති අධ්‍යයන වැඩසටහන වැදගත් වන්නේ ඇයි? (2022 දෙසැම්බර් 15 සවස 2.30ට කොළඹ මහජන පුස්තකාලය සම්මන්ත්‍රණ ශාලාවේදී)

"මා රුසියාව මගේ මාතෘභූමිය ලෙස සළකන්නේ නම් එයින් අදහස් කරන්නේ මම රුසියානු ජාතිකයෙකු ලෙස රුසියාවට ආදරය කරන බවත්, මගේ සමස්ත චින්තනයෙන් මෙන්ම ගීත ගායනය, හැසිරීම පවා රුසියානු ජාතිකයෙකු ලෙස කටයුතු කිරීම බවත් ය. මම රුසියානු ජනතාවගේ අධ්‍යාත්මික ශක්තිය විශ්වාස කරමි. එහි ආත්මය මගේ ආත්මයයි. එහි ඉරණම මගේ ඉරණමයි. එය බිඳ වැටීම මගේ දුකයි. එහි සමෘද්ධිය මගේ සතුටයි." "If I see Russia as my motherland, then that means that as a Russian I love, think, sing and speak; that I believe in the spiritual power of the Russian people. Its spirit is my spirit; its destiny is my destiny; its suffering is my grief; its flourishing is my joy,” රුසියන් දේශප්‍රේමියෙකු වූ අයිවන් ඇලෙක්සැන්ඩ්රොවිච් ඉලින් (Ivan Alexandrovich Ilyin or Il'in (Ива́н Алекса́ндрович Ильи́н) කියා ඇති මෙම කියමන ශ්‍රී ලංකාවේ පුරවැසිටන්‍ටත් අදල නොවේද? අද ශ්‍රී ලාංකිකයෙකු ලෙස නාමකරණයෙන් අලුත් වී තම මාතෘ භූමිය, තම මව් භාෂාව, තම ආහාර නිෂ්පාදන ක්‍රමය සිංහල ජනතාව අහිමි කර ගනිමින් සිටී. සිංහල - දෙමළ ජනතාවට අද සිංහලෙන් සහ දෙමළෙන් නීතිය ඉගෙනීමේ අයිතිය අහිමි කර ඇත. වසර ගණනාවක් බෙදුම්වාදී සන්නද්ධ ගැටුමක් තිබියදී පවා සිංහල භාෂාවෙන් සහ දෙමළ භාෂාවෙන් නීතිය ඉගෙනීමේ ජනතාවගේ අයිතිය ආරක්ෂා වී තිබුණි. එකී බෙදුම්වාදය ජයගත්තා කියූ 2009 වසරෙන් පසු සිංහලෙන් සහ දෙමළෙන් නීතිය ඉගෙනීමට තිබූ අයිතිය අහෝසි කිරීමට "සංස්ථාගත් නීති අධ්‍යයන සභාව" ක්‍රියා කළේය. 2020.12.30 අංක 2208/13 අතිවිශෙෂ ගැසට් පත්‍රයෙන් එය තවත් ඉදිරියට ගෙන ගිය අලි සබ්‍රි අධිකරණ ඇමති සහ ජයන්ත ජයසූරිය අගවිනිසුරු ඇතුළු සංස්ථාගත නීති අධ්‍යයන සභාව සිංහලෙන් සහ දෙමළෙන් නීති අධ්‍යාපනය ලබා දීම පමණක් නොව නීති විභාග පැවැත්වීමද වැළැක්වීමට අනු නීති පනවා ගත්තේය. ශ්‍රී ලංකාවේ, මාතෘභූමියේ උපන් මිලියන 18ක් වූ සිංහල ජනතාව නීතිය නොදන්නවුන් පිරිසක් බවට පත් කර ඇත්තේ ලෙනාඩ් වුල්ෆ් ගේ "බැද්දේගම" ආරච්චිලාගේ, කලු සුදු නඩුකාරහාමුදුරුවන්ගේ, ප්‍රනාන්දු මුදලාලිලාගේ වහල් සේවයට සිළිඳුලාට, පුංචිමැණිකෙලාට, බබුන්ලාට යාමට සි‍ඳුවන ලෙස නීතිය නොව ඉංග්‍රීසි ඉගෙනීමට කියමින් ය. ජාත්‍යන්තර භාෂා 06 ලෝකයේ පිළිගෙන  ඇති බව නොදන්නා මේ බලධාරීහු ජනතාවගෙන් තොරතුරු සඟවා ඉංග්‍රීසියෙන් තීන්දු තීරණ ගනිමින් වසර 74ක්ම රට පාලනය කරගෙන යති. රාජ්‍ය භාෂාව, නීති පැනවීමේ භාෂාව සහ අධිකරණ භාෂාව ඇත්තේ ආණ්ඩුක්‍රම ව්‍යවස්ථාවේ පමණි. ශ්‍රේෂ්ඨාධිකරණය සහ අභියාචනාධිකරණය රාජ්‍ය භාෂාවෙන්, නීති පැනවීමේ භාෂාවෙන් සහ අධිකරණ භාෂාවෙන් නඩු තීන්දු ලබා නොදේ. ශ්‍රී ලංකාවේ පාර්ලිමේන්තුව ජනතාවගේ පරමාධිපත්‍යය නිරූපණය කරන්නේය කීවද, උත්තරීතරය කීවද  රාජ්‍ය භාෂාවෙන්, නීති පැනවීමේ භාෂාවෙන් සහ අධිකරණ භාෂාවෙන් ශ්‍රේෂ්ඨාධිකරණ සහ අභියාචනාධිකරණ නඩු තීන්දු ලබා ගැනීමේ ව්‍යවස්ථාදායක බලය නොමැතිව අසරණ වී ඇත. (බලන්න 2021.08.17 පාර්ලිමේන්තු හැන්සාඩ් වාර්තාව)   එහෙව් රටක මාතෘභූමියට, මව්භාෂාවට ආදරේ කරන්නෝ වැඩි වශයෙන් සොයා ගැනීම අසීරුවනු ඇත. එහෙව් රටක් වහල්බවෙන් මුදා ගැනීමට නොහැකි වනු ඇත. එහෙව් රටක් දියුණු කිරීමට නොහැකි වනු ඇත. එහෙව් රටක සාධාරණත්වය, යුක්තිය, නීතිය මත පාලනය දැකිය නොහැකි වනු ඇත. එහෙව් රටක අභිමානය කෙළෙසාගත් මිනිසුන් සහ ගැහැණුන් සමූහ වශයෙන් දැකිය හැකි වනු ඇත. එහෙව් වටපිටාවක මෙම නීති අධ්‍යයන වැඩසටහන පවත්වන්නේ අභිමානවත් සහ සංවර්ධිත රටක් වෙනුවෙන් තම දෙපයින් නැගිට පාර සොයා යන්නවුන්ගේ නෛතික සාක්ෂරතාවය වර්ධනය කිරීමටය. "පියාඹන්න බැරි නම් දුවන්න, දුවන්න බැරි නම් ඇවිදින්න, ඇවිදින්න බැරි නම් බඩගාන්න, නමුත් ඔබ කුමක් කළත් කළ යුත්තේ ඔබේ ඉදිරියට යාමය." මාටින් ලූතර් "If you can't fly then run, if you can't run then walk, if you can't walk then crawl, but whatever you do you have to keep moving forward." Martin Luther සමායෝජක, වෛද්‍ය තිලක පද්මා සුබසිංහ අනුස්මරණ නීති අධ්‍යයන වැඩසටහන. දුරකථන 0342256066, 0342256067, 0712063394