වැරදි ශ්‍රේෂ්ඨාධිකරණ තීරණය මත ආයුර්වේද කෙටුම්පත සම්මත කළොත් අදාල අයට එරෙහිව ඉදිරි පාර්ලිමේන්තුව මගින් නිසි ක්‍රියාමාර්ග ගත හැකියි. SC/SD/52/2023 නඩුවේ පෙත්සම්කරුවන් කථානායක ඇතුලු අයට දැනුම් දෙයි....
වැරදි ශ්‍රේෂ්ඨාධිකරණ තීරණය මත
ආයුර්වේද කෙටුම්පත සම්මත කළොත් අදාල අයට එරෙහිව ඉදිරි පාර්ලිමේන්තුව මගින් නිසි ක්‍රියාමාර්ග ගත හැකියි.
SC/SD/52/2023 නඩුවේ පෙත්සම්කරුවන් කථානායක ඇතුලු අයට දැනුම් දෙයි....
ආයුර්වේද සංශෝධන පනත් කෙටුම්පත සම්බන්ධ ශ්‍රේෂ්ඨාධිකරණ තීරණයේ ආණ්ඩුක්‍රම ව්‍යවස්ථාවට පටහැනි බව/ උල්ලංඝනය කිරීම ආණ්ඩුක්‍රම ව්‍යවස්ථාවේ 4 ඇ. සහ 123 ව්‍යවස්ථා අනුව ශ්‍රේෂ්ඨාධිකරණය මගින් නිවැරදි නොකර එකී සංශෝධනය සම්බන්ධව ඉදිරි පියවර නොගන්නා ලෙස 2023 අගෝස්තු 22 දින දැනුම් දී ඇත.
වෛද්‍ය කමල් බන්දුල වීරප්පෙරුම සහ වෛද්‍ය වොෂින්ටන් ගල්හේනගේ නානායක්කාර යන අය වෙනුවෙන් නීතීඥ අරුණ උණවටුන මහතා කථානායක මහින්ද යාපා අබේවර්ධන, පාර්ලිමේන්තුවේ මහ ලේකම් නීතීඥ කුෂානි අනූෂා රෝහණදීර සහ නීතිපති
ජනාධිපති නීතීඥ සංජය රාජරත්නම් වෙත ඒ සම්බන්ධයෙන් දැනුම් දී ඇත.
ආයුර්වේද සංශෝධන පනත් කෙටුම්පත සම්බන්ධ ශ්‍රේෂ්ඨාධිකරණ තීරණය ආණ්ඩුක්‍රම ව්‍යවස්ථාවේ123 ව්‍යවස්ථාවඅනුව හේතු දැක්වීම සිදුකර නොතිබීම ඇතුළු දෝෂ හේතුවෙන් ආණ්ඩුක්‍රමව්‍යවස්ථාව අනුව නිවැරදි පිළිගත හැකි තීරණයක් නොවන බවට වර්ෂ 2023.08.13 දිනැතිව කථානායකවරයාට සහ පාර්ලිමේන්තු මහ ලේකම්ට සහ නීතිපතිට අදාල පරිදි පිටපත් යොමු කර ලිඛිතව සහ හේතු දක්වමින් යෝජිත ඉහත 2023 ආයුර්වේද සංශෝධන පනත් කෙටුම්පතට අදාල ශ්‍රේෂ්ඨාධිකරණ තීරණය ආණ්ඩුක්‍රම ව්‍යවස්ථාවට පටහැනි බව ඇතුලු නෛතික වැරදි පෙන්වා දී ඒවා නිවැරදි කරන ලෙස දැනුම් දී ඇති බවත්, තවද ඉහත සේවාදායකයන් එකී ආණ්ඩුක්‍රම ව්‍යස්ථාමය කාරණා සම්බන්ධයෙන් ශ්‍රේෂ්ඨාධිකරණයේ ඔවුන් විසින් පවරා තිබූ SC/SD/52/2023 අංක දරන නඩුවට පෙත්සමක් සහ දිව්රුම් ප්‍රකාශයක් ඉදිරිපත් කර ඇති අතර එම නීතිමය කටයුතු අවසන් වී නැති බවත් එකී ලිපියෙන් පෙන්වා දී ඇත.
එසේම 2023.08.22 දින පාර්ලිමේන්තුවේ න්‍යාය පත්‍රයේ ආයුර්වේද සංශෝධන පනත් කෙටුම්පත දෙවන වර කියවීමට ඇතුළත් කර ඇති බවත් ආණ්ඩුක්‍රම ව්‍යවස්ථාවට අනනුකූල ශ්‍රේෂ්ඨාධිකරණ තීරණය මත සහ මේ සම්බන්ධව මේ වන විටත් ගෙන ඇති අධිකරණ ක්‍රියාමාර්ග අවසන් වීමට පෙර එකී ආයුර්වේද සංශෝධන පනත් කෙටුම්පත පාර්ලිමේන්තුව විසින් සම්මත කරනු ලැබුවහොත් එය ආණ්ඩුක්‍රම ව්‍යවස්ථාවට සහ සම්ප්‍රදායට අනනුකුලව කරන දෙයක් වන බවත් එහි දැක්වේ.
විශේෂයෙන් එකී ශ්‍රේෂ්ඨාධිකරණ තීරණයේ අවසන් ඡේදය සිංහල භාෂාවට පරිවර්තනය කර ආණ්ඩුක්‍රම ව්‍යවස්ථානුකූලත්වය පරීක්ෂා කිරීමේදී ඉංග්‍රීසි සහ දෙමළ පනත් කෙටුම්පත් අතර විෂමතා/වෙනස්කම් ඇති බව තීරණය කිරීමෙන් සහ ඒ සම්බන්ධව ගත යුතුවන ක්‍රියාමාර්ග රජයට පැවරීම ආදී කාරණා දැක්වීම ආණ්ඩුක්‍රම ව්‍යවස්ථාවට අනනුකූල තත්ත්වයක් බවත් එය ආණ්ඩුක්‍රම ව්‍යවස්ථාවට පටහැනි තත්ත්වයක් බවත්, එසේ තීරණය කිරීමට එකී ශ්‍රේෂ්ඨාධිකරණ විනිශ්චය පීඨයට අධිකරණ බලය නැති බවත්, විශේෂයෙන් වෙනත් ව්‍යවස්ථා අතර ආණ්ඩුක්‍රම ව්‍යවස්ථාවේ 23 සහ 123 ව්‍යවස්ථාවලට අනනුකූල බවත් එය නිවැරදි විය යුතු බවත් මේ වන විටත් ඒ සම්බන්ධයෙන් අධිකරණ ක්‍රියාමාර්ග ගෙන ඇති බවත් ඉන් දැනුම් දී ඇත.
මෙම කාරණා සම්බන්ධයෙන් අවධානය යොමු කර එකී ආයුර්වේද සංශෝධන පනත් කෙටුම්පත් සම්මත කරනු ලැබීම වළක්වන නොලැබුවහොත් සහ එය නීතියක් බවට පත්කළහොත් එකී නීතිය සව්‍යංප්‍රත්‍යක්ෂ ලෙසම සදාචාරයට පටහැනි වැරදි නීතියක් වන බවත්, අනාගත පාර්ලිමේන්තුව විසින් එකී වරද නිවැරදි කිරිමට සහ වෙනත් අවශ්‍ය ක්‍රියා මාර්ග ගැනීමට සහ අදාල අය සම්බන්ධයෙන් නිසි ක්‍රියාමාර්ග ගැනීමට කිසිදු නෛතික බාධාවක් නැති බවත් ඉන් දැනුම් දී ඇත.
ආයුර්වේද සංශෝධන පනත් කෙටුම්පත සම්බන්ධ ශ්‍රේෂ්ඨාධිකරණ තීරණයේ ආණ්ඩුක්‍රම ව්‍යවස්ථාවට පටහැනි බව/ උල්ලංඝනය කිරීම ආණ්ඩුක්‍රම ව්‍යවස්ථාවේ 4 ඇ. සහ 123 ව්‍යවස්ථා අනුව ශ්‍රේෂ්ඨාධිකරණය මගින් නිවැරදි නොකර එකී සංශෝධනය සම්බන්ධව ඉදිරි පියවර නොගන්නා ලෙසද එමගින් ඉල්ලා ඇත.
ෆීනික්ස් නීති සාර සංහ්‍රහය - වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන. දුරකථන 0342256066/ 0712063394
Comments
Post a Comment