පළාත් සභා විෂයන් උදුරා ගනිමින් ගෙවල් කුලී පනත ඉවත් කිරීමට යද්දී පළාත් සභා ඕනෑ කියන පාක්‍යසෝති, සුමන්තිරන්, ජයම්පතී කණ්ඩායම නිහඩ වීම යට ගැසීමට එම කෙටුම්පත අකුලා ගන්නා තැනට නීතිපති පත් වුණාද?

පළාත් සභා විෂයන් උදුරා ගනිමින් ගෙවල් කුලී පනත ඉවත් කිරීමට යද්දී පළාත් සභා ඕනෑ කියන පාක්‍යසෝති, සුමන්තිරන්, ජයම්පතී කණ්ඩායම නිහඩ වීම යට ගැසීමට එම කෙටුම්පත අකුලා ගන්නා තැනට නීතිපති පත් වුණාද?

(ලිපිය දීර්ඝවීම වැළක්වීමට පැහැදිලි කිරීම් අඩුකර ඇත) 1. 13වන ආණ්ඩුක්‍රම ව්‍යවස්ථා සංශෝධනය මගින් ආණ්ඩුක්‍රම ව්‍යවස්ථාවේ 154 (උ) අනු ව්‍යවස්ථාව ඇති කර එක් එක් පළාත් සභාවට ප්‍රඥ්ප්ති සෑදිය හැකි බවත් එම සංශෝධනය මගින් හඳුන්වාදුන් 9වන උපලේඛනයේ 1වන ලැයිස්තුවට අදාලව පුළුල් බලතල පළාත් සභාවලට ලබා දී ඇත. 2. ආණ්ඩුක්‍රම ව්‍යවස්ථාවේ 9වන උපලේඛනයේ 1වන ලැයිස්තුවට අදාලව එක් එක් පළාත් සභාවට ප්‍රඥ්ප්ති සෑදීමට පුළුල් බලතල හිමි වුවද පාර්ලිමේන්තුවේ ව්‍යවස්ථාදායක උත්තරීතරත්වය අනුව පාර්ලිමේන්තුවටද ආණ්ඩුක්‍රම ව්‍යවස්ථාවේ 9වන උපලේඛනයේ 1වන ලැයිස්තුවට අදාලව විශේෂ ආකාරකින් නීති සෑදිය හැකිය. 3. ආණ්ඩුක්‍රම ව්‍යවස්ථාවේ 9වන උපලේඛනයේ 1වන ලැයිස්තුවට අදාලව පාර්ලිමේන්තුව විසින් නීති පැනවීමේදී ආණ්ඩුක්‍රම ව්‍යවස්ථාවේ 154(උ) අනුව්‍යවස්ථාව අනුගමනය කළ යුතු වන අතර ඒ බව කොළඹ වරාය නගරය ආර්ථික කොමිෂන් සභාව පනත් කෙටුම්පත, දිවිනැගුම පනත් කෙටුම්පත, ගොවිජන සේවා (සංශෝධන පනත් කෙටුම්පත, ජල සේවා කෙටුම්පත වැනි පනත් කෙටුම්පත් වල ආණ්ඩුක්‍රම ව්‍යවස්ථානුකූලත්වය අදාලව ශ්‍රේෂ්ඨාධිකරණ තීරණවලදී තීරණය කර ඇත. 4. ආණ්ඩුක්‍රම ව්‍යවස්ථාවේ 9වන උපලේඛනයේ 1වන ලැයිස්තුවට අදාලව පාර්ලිමේන්තුව විසින් නීති පැනවීමේදී විශේෂ ආකාරයක් අනුගමනය කළ යුත්තේ 13වන ආණ්ඩුක්‍රම ව්‍යවස්ථා සංශෝධනය මගින් විධායක, ව්‍යවස්ථාදායක සහ අධිකරණ බලය ( පාලන බලතල) විමධ්‍යගත කිරීමක් කර ඇති හෙයින් ය. 5. ආණ්ඩුක්‍රම ව්‍යවස්ථාවේ 9වන උපලේඛනයේ 1වන ලැයිස්තුවට අදාලව පාර්ලිමේන්තුව විසින් නීති පැනවීමේදී පාක්‍යසෝති, සුමන්තිරන්, ජයම්පතී කණ්ඩායම පවනට බඳු වේගයෙන් ශ්‍රේෂ්ඨාධිකරණයට පැමිණ ඒ සම්බන්ධයෙන් කරුණු කියාපාමින් ආණ්ඩුක්‍රම ව්‍යවස්ථාවේ 9වන උපලේඛනයේ 1වන ලැයිස්තුවට අදාල විෂයන් සම්බන්ධයෙන් පළාත් සභා අයිතිවාසිකම් ආරක්ෂා කර ගන්නා අතීතයක් දක්නට තිබුණි. 6. එසේ වුවත් ආණ්ඩුක්‍රම ව්‍යවස්ථාවේ 9වන උපලේඛනයේ 1වන ලැයිස්තුවේ අංක 5 යටතේ වන පළාත්වල නිවාස සහ ඉදිකිරීම් යටතේ අංක 5:2 යටතේ ඇතුළත් කර ඇති ගෙවල් කුලී පනත පළාත තුළ ක්‍රියාත්මක කිරීමට අදාල විධිවිධානය අධිකරණ විෂය භාර අමාත්‍යවරයා විසින් 2026 ජනවාරි 20 දින පාර්ලිමේන්තුවේ පළමුවර කියවූ 1972 අංක 7 දරන ගෙවල් කුලී පනත ඉවත් කිරීම සදහා වූ පනත් කෙටුම්පත මගින් ඉවත් වෙද්දී, පරිච්චින්න වෙද්දී, සංශෝධන වෙද්දී පළාත් සභාවල ආරක්ෂකයන් ලෙස රූපාන්තරණකරුවන් වී සිටින පාක්‍යසෝති, සුමන්තිරන්, ජයම්පතී කණ්ඩායම නිහඬ පිළිවෙතක් අනුගමනය කළේය. 7. 1972 අංක 7 දරන ගෙවල් කුලී පනත ඉවත් කිරීම සදහා වූ පනත් කෙටුම්පත මගින් ආණ්ඩුක්‍රම ව්‍යවස්ථාවේ 9වන උපලේඛනයේ 1වන ලැයිස්තුවේ අංක 5 යටතේ වන පළාත්වල නිවාස සහ ඉදිකිරීම් යටතේ අංක 5:2 යටතේ ඇතුළත් කර ඇති ගෙවල් කුලී පනත පළාත තුළ ක්‍රියාත්මක කිරීමට අදාල විධිවිධානය ඉවත් කිරීමට, පරිච්චින්න කිරීමට, සංශෝධන කිරීමට කටයුතු සකස් වෙද්දී පාක්‍යසෝති, සුමන්තිරන්, ජයම්පතී කණ්ඩායම එකී පනත් කෙටුම්පතට එරෙහිව ආණ්ඩුක්‍රම ව්‍යවස්ථාවේ 121 ව්‍යවස්ථාව යටතේ ඉල්ලීමක් ශ්‍රේෂ්ඨාධිකරණය වෙත ඉදිරිපත් කළේ නැත. 8. ඒ කෙසේ වෙතත් 1972 අංක 7 දරන ගෙවල් කුලී පනත ඉවත් කිරීම සදහා වූ පනත් කෙටුම්පත මගින් නීති පැනවීමේදී ජනතාවගේ පරමාධිපත්‍යය, බුද්ධාගමට ප්‍රමුඛස්ථානය පිරිනැමීම සහ බුද්ධ ශාසනය සුරක්ෂිත කර පෝෂණය කිරීමේ රජයේ වගකීම, නීතිය පසිදලීම සහ නීතියේ රැකවරණය, බලවත් තැනැත්තන්ගෙන් අබල තැනැත්තන් අරක්ෂා කිරීම, එකලාව හෝ අන් අය සමග යම් නීත්‍යානුකූල රැකියාවක, වෘත්තියක, කර්මාන්තයක, වෙළද ව්‍යාපාරයක හෝ ව්‍යවසායක නියුක්ත වීමේ නිදහසට, ශ්‍රී ලංකාව තුළ අභිමත ස්ථානයක වාසය කිරීමේ නිදහසට, රාජ්‍ය ප්‍රතිපත්තිය මෙහෙය වීමේ මූලධර්ම සහ යුතුකම් වලට, ජනාධිපතිවරයාගේ බලතල හා කාර්යයට, පළාත් සභා ප්‍රඥප්ති සෑදීම සහ ආණ්ඩුක්‍රම ව්‍යවස්ථාවේ නවවන උපලේඛනයේ 1වන ලැයිස්තුවේ විධිවිධාන වලට අදාල ආණ්ඩුක්‍රම ව්‍යවස්ථාමය ප්‍රතිපාදන වලට පටහැනි බවත්, ඒ් අනුව ආණ්ඩුක්‍රම ව්‍යවස්ථාවේ 3, 4.ඇ, 9, 12.4, 14.1උ, 14.1ඌ, 27, 28, 33ඊ, 154උ. ව්‍යවස්ථා උල්ලංඝණය කරන බවත් 1972 අංක 7 දරන ගෙවල් කුලී පනත ඉවත් කිරීමට එරෙහිව නීතීඥ අරුණ ලක්සිරි උණවටුන ශ්‍රේෂ්ඨාධිකරණයට 2026.02.03 දින පෙත්සමක් ඉදිරිපත් කර තිබුණි. 9. ආණ්ඩුක්‍රම ව්‍යවස්ථාවේ නවවන උපලේඛනයේ 1වන ලැයිස්තුවේ විධිවිධාන වලට අදාල ආණ්ඩුක්‍රම ව්‍යවස්ථාමය ප්‍රතිපාදන වලට පටහැනිව 1972 අංක 7 දරන ගෙවල් කුලී පනත ඉවත් කිරීම සදහා වූ පනත් කෙටුම්පත ගෙනවිත් ඇති බව අනාවරණය වීමත් සමඟම පළාත් සභා ආරක්ෂකයන් ලෙස පෙනී සිටින පාක්‍යසෝති, සුමන්තිරන්, ජයම්පතී කණ්ඩායමේ දුර්වලතාවය සහ ගැඹුරු දාර්ශනික හැදෑරීම ප්‍රශ්නයට ලක් වී ඇති බව සාමාන්‍ය ජනතාව අතරද සාකච්චාවට ලක් විය. 10. ඒ සමඟම 1972 අංක 7 දරන ගෙවල් කුලී පනත ඉවත් කිරීම සදහා වූ පනත් කෙටුම්පත සහ තවත් පනත් කෙටුම්පතක් සම්බන්ධයෙන් අදහස් හා යෝජනා ලබා ගැනීම සඳහා අධිකරණ අමාත්‍යවරයා විසින් 2026 පෙබරවාරි මස 03 වනදා සිට මාසයක කාලයක් ලබා දී තිබෙන බවට නීතිපති දෙපාර්තමේන්තුව මගින් ප්‍රකාශ නිකුත් විය. 11. ඉහත තත්ත්වය සහ සිදුවීම් තුළ ජනතාවට මතු වන ප්‍රශ්නය වන්නේ පළාත් සභා විෂයන් උදුරා ගනිමින් ගෙවල් කුලී පනත ඉවත් කිරීමට යද්දී පළාත් සභා ඕනෑ කියන පාක්‍යසෝති, සුමන්තිරන්, ජයම්පතී කණ්ඩායම නිහඩ වීම යට ගැසීමට එම කෙටුම්පත අකුලා ගන්නා තැනට නීතිපති පත් වුණාද යන්නය. වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන දුරකථන 0712063394 (2026.02.10)