චූදිතයෙකුට ජීවිතාන්ත සිරදඬුවම් නියම කිරීමට තනි අභිමතයට නඩු වාර්තාවේ සාක්ෂි වෙනස් කළ විනිසුරු ශ්‍රේෂ්ඨාධිකරණයට..? ජනාධිපතිට සහ ආණ්ඩුක්‍රම ව්‍යවස්ථාව සභාවට ඉල්ලීමක්.....

චූදිතයෙකුට ජීවිතාන්ත සිරදඬුවම් නියම කිරීමට තනි අභිමතයට නඩු වාර්තාවේ සාක්ෂි වෙනස් කළ විනිසුරු ශ්‍රේෂ්ඨාධිකරණයට..? ජනාධිපතිට සහ ආණ්ඩුක්‍රම ව්‍යවස්ථාව සභාවට ඉල්ලීමක්..... චූදිතයෙකුට ජීවිතාන්ත සිරදඬුවම් නියම කිරීමට හැකිවන පරිදි තනි අභිමතයට නඩු වාර්තාවේ සාක්ෂි සටහන් වෙනස් කළ ගිහාන් කුලතුංග විනිසුරු ශ්‍රේෂ්ඨාධිකරණයට නිර්දේශ/ අනුමත කිරීම, යුක්තිය ඉටු කිරීම සහ ජනතාවගේ අයිතිවාසිකම් ආරක්ෂා කිරීමේදී සළකා බැලීමට ජනාධිපතිට සහ ආණ්ඩුක්‍රම ව්‍යවස්ථාව සභාවට නීතීඥවරයෙකුගෙන් ඉල්ලීමක්.....

කොළඹ මහාධිකරණ HC/5333/2010 නඩුවේ චූදිතට ජීවිතාන්ත සිරදඬුවම් නියම කිරීමට හැකිවන පරිදි තනි අභිමතයට නඩු වාර්තාවේ සාක්ෂි සටහන් වෙනස් කළ ගිහාන් කුලතුංග විනිසුරු ශ්‍රේෂ්ඨාධිකරණටට නිර්දේශ/ අනුමත කිරීම, යුක්තිය ඉටු කිරීම සහ ජනතාවගේ අයිතිවාසිකම් ආරක්ෂා කිරීමේදී සළකා බැලීමට ජනාධිපතිට සහ ආණ්ඩුක්‍රම ව්‍යවස්ථාව සභාවට චූදිතගේ නීතීඥවරයා ලෙස පෙනී සිටි නීතීඥ අරුණ ලක්සිරි උණවටුව විසින් ඉල්ලීමක් කර ඇත. HC/5333/2010 නඩුව විභාග කළ එවකට කොළඹ මහාධිකරණ විනිසුරුවරයෙකු වූ ගිහාන් කුලතුංග මැතිතුමා සාධාරණ ලෙස නඩුව විභාග නොකිරීම හේතුවෙන් චූදිතගේ ඉල්ලීම මත එම නඩුව වෙනත් විනිසුරුවරුතුමෙකු වෙත මාරු කර ගැනීම සඳහා අභියාචනාධිකරණයට CA/TR/04/2018 ඉල්ලීම 1978 අංක 2 දරන අධිකරණ සංවිධාන පනතේ 46 වගන්තිය යටතේ ගොනු කර තිබූ බවත්, එම ඉල්ලීම සිංහල භාෂාවෙන් ඉදිරිපත් කර තිබූ බවත්, එවකට අභියාචනාධිකරණ සභාපති විනිසුරුතුමා සහ තවත් විනිසුරුතුමෙකු විසින් සිංහල භෂාවෙන් පෙත්සම ඉදිරිපත් කළ හැකිද යන්න විමසීමට තීරණය කළ හෙයින් එයට එරෙහිව ශ්‍රේෂ්ඨාධිකරණයට SC/SPL/LA/44/2018 විශේෂ අභියාචනා පෙත්සම ඉදිරිපත් කිරීමෙන් පසු ගිහාන් කුලතුංග විනිසුරු ඉදිරියේ පැවති මහාධිකරණ නඩු කටයුතු අත්හිටුවීමට ගරු ශ්‍රේෂ්ඨාධිකරණය මුල් දිනයේම නියෝග කළ බවත්, සිංහල භාෂාවෙන් ගොනු කළ පෙත්සම විභාග කරන ලෙස ශ්‍රේෂ්ඨාධිකරණය විසින් අභියාචනාධිකරණයට පසුව නියෝග කර ඇති බවත් එම ඉල්ලීමෙන් පෙන්වා දී ඇත. ශ්‍රේෂ්ඨාධිකරණ SC/SPL/LA/44/2018 නියෝගය අනුව අභියාචනාධිකරණය විසින් සිංහල භාෂාවෙන් ගොනු කළ CA/TR/04/2018 නඩුව විභාග කළ අතර, පෙත්සමේ ඉල්ලා තිබූ සහන වලින් කොටසක් ප්‍රදානය වීම මත මහාධිකරණ විනිසුරු ගිහාන් කුලතුංග මැතිතුමා ඉදිරියේම නඩුව විභාග කිරීමට එකඟ වී එම අභියාචනාධිකරණ නඩු කටයුත්ත අවසන් වූ බවත්, අභියාචනාධිකරණ CA/TR/04/2018 නඩුව අවසන් වීමෙන් පසු ගිහාන් කුලතුංග මහාධිකරණ විනිසුරුතුමා ඉදිරියේ HC/5333/2010 නඩුවේ විභාගය නැවත ආරම්භ කළ පසු චූදිත විසින් තමා වෙනුවෙන් සාක්ෂි ලබා දීමද සිඳුකළ අතර, චූදිත වරදකරු කිරීමට හැකි වන පරිදි නඩු වාර්තාවේ සාක්ෂි සටහන් වෙනස් කිරීමට එම විනිසුරුවරුතුමා සිය තනි අභිමතයට පමණක් ක්‍රියා කර 2019 අප්‍රේල් 24 දින චූදිතව ජීවිතාන්තය දක්වා සිර දඬුවම් නියම කර තිබූ බවත් නීතීඥවරයා විසින් ජනාධිපතිවරයාටත්, ආණ්ඩුක්‍රම ව්‍යවස්ථාව සභාවටත් පෙන්වා දී ඇත. එම තීන්දුවට එරෙහිව අභියාචනා පෙත්සම ඉදිරිපත් කිරීමෙන් පසු CA HCC/133/2019 අංක දරන අභියාචනය විභාග කළ අභියාචනාධිකරණය විසින් මහාධිකරණ විනිසුරු විසින් සිය තනි අභිමතයට නඩු වාර්තාවේ ඇති සාක්ෂි සටහන් වෙනස් කර චූදිතව ජීවිතාන්තයට සිරදඬුවම් නියම කිරීම දෝෂ සහිත බව තීරණය කර 2021.03.08 දින චූදිත නිදොස් කර නිදහස් කිරීමට තීන්දු කර ඇති අතර එම නඩුවේ තීන්දුව Abdul Hameed Mohamed Lafeer v The Attorney General [CA HCC/133/2019] අමුණා ජනාධිපතිවරයාටත්, ආණ්ඩුක්‍රම ව්‍යවස්ථාව සභාවටත් ඉදිරිපත් කර ඇත. එවකට කොළඹ මහාධිකරණ විනිසුරුවරයෙකු වූ ගිහාන් කුලතුංග මැතිතුමා සිය තනි අභිමතයට නඩු වාර්තාවේ ඇති සාක්ෂි සටහන් වෙනස් කර චූදිතව ජීවිතාන්තයට සිරදඬුවම් නියම කිරීම අභියාචනාධිකරණය විසින් CA HCC/133/2019 තීන්දුවෙන් ඉවත් කරන තෙක් චූදිත අභියාචක (නිර්දෝෂී තැනැත්තෙක්) වසර 2කට ආසන්න කාලයක් බන්ධනාගාරගත වී සිටි අතර රෝගී තත්ත්වයේ පීඩා විදිමින් සිට ඔහු එකී අභියාචනා තීන්දුවෙන් නිදහස ලබා කෙටි කාලයකින් මිය ගිය බවත් එම නීතීඥවරයා ජනාධිපතිවරයාටත්, ආණ්ඩුක්‍රම ව්‍යවස්ථාව සභාවටත් පෙන්වා දී ඇත. තමන් ඉදිරියේ විභාග කළ නඩුවක චූදිතට ජීවිතාන්තය දක්වා සිරදඬුවම් නියම කිරීමට හැකි වන පරිදි සිය තනි අභිමතයට නඩු වාර්තාවේ ඇති සාක්ෂි සටහන් වෙනස් කළ එම විනිසුරුගේ වැරදි ක්‍රියාව හේතුවෙන් ඇති වූ සංකූලතා, වෛද්‍ය ප්‍රතිකාර නිසි පරිදි නොලැබීම ආදී හේතු මත එම නිර්දෝෂී සේවාදායකයා අභියාචනාධිකරණ තීන්දුවෙන් නිදහස ලැබීමෙන් පසුව මිය යාමෙන් පසු මිය ගිය සේවාදායකයාට යුක්තිය ඉටු වීමට ඇති අවස්ථාව අඩු වුවද එම නීතීඥවරයාගේ හෘදය සාක්ෂියට අනුව මේ කරුණු දැක්වීම සිදුකරන බවත්, වත්මන් අභියාචනාධිකරණ විනිසුරු ගිහාන් කුලතුංග මැතිතුමා ශ්‍රේෂ්ඨාධිකරණ විනිසුරුවරයෙකු ලෙස නිර්දේශ කරන්නේද හෝ අනුමත කරන්නේද, යුක්තිය ඉටු කිරීම සහ ජනතාවගේ අයිතිවාසිකම් ආරක්ෂා කිරීම සම්බන්ධයෙන් සළකා බලන ලෙසත් ගරු ජනාධිපතිතුමාගෙන් සහ ආණ්ඩුක්‍රම ව්‍යවස්ථා සභාවෙන් ඉල්ලා ඇත. මෙම ඉල්ලීමට හේතුවී ඇති අභියාචනාධිකරණ විනිසුරු ගිහාන් කුලතුංග ශ්‍රේෂ්ඨාධිකරණයට නම්කරයි! – CEYLONWIRE https://www.ceylonwire.lk/court-of-appeal-judge-gihan-kulatunga-nominated-to-the-supreme-court/ 2025.10.24 දින අන්තර්ජාල මාධ්‍යයේ පුවතද ජනාධිපතිතුමාට සහ ආණ්ඩුක්‍රම ව්‍යවස්ථා සභාවට අවධානයට යොමු කර ඇත. මෙම ඉල්ලීමේ පිටපත් ශ්‍රී ලංකා නීතීඥ සංගමයේ සභාපති, පාර්ලිමේන්තු මහලේකම්, වැඩබලන මහ ලේකම්, ආණ්ඩුක්‍රම ව්‍යවස්ථා සභාව,ජනාධිපති ලේකම් සහ නීතිපති වෙත යොමු කර ඇත. වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන. දුරකථන 0342256066 (2025.10.25)