ජනාධිපති ධූර කාලය වසර 5ක් බව ශ්‍රේෂ්ඨාධිකරණය තීරණය කළද ජනාධිපති ධූරකාලය සම්බන්ධ කාරණාවලදී තවමත් එය වසර 6ක් බව සනාථවන ගැසට්කර ඇති යෝජිත 22වන ආණ්ඩුක්‍රම ව්‍යවස්ථා සංශෝධනය රටෙන් සඟවන්නේ කවුද?

ජනාධිපති ධූර කාලය වසර 5ක් බව ශ්‍රේෂ්ඨාධිකරණය තීරණය කළද ජනාධිපති ධූරකාලය සම්බන්ධ කාරණාවලදී තවමත් එය වසර 6ක් බව සනාථවන ගැසට්කර ඇති යෝජිත 22වන ආණ්ඩුක්‍රම ව්‍යවස්ථා සංශෝධනය රටෙන් සඟවන්නේ කවුද?

ජනාධිපති ධූර කාලය වසර 5ක් බව ශ්‍රේෂ්ඨාධිකරණය තීරණය කළද, එය වසර 6ක් බවට 2024.07.18 දිනට පෙර ශ්‍රේෂ්ඨාධිකරණයේ නඩු පැවරූ අයට ලක්ෂ ගණනින් නඩු ගාස්තු නියම කළද, ජනාධිපති ධූරකාලය සම්බන්ධ කාරණාවලදී තවමත් එය වසර 6ක් බවත් ආණ්ඩුක්‍රම ව්‍යවස්ථා සංශෝධනයකින් එය වසර 5ක් කළ යුතු බවත් සනාථවන ආණ්ඩුක්‍රම ව්‍යවස්ථාවේ 78වන ව්‍යවස්ථාව යටතේ 2024.07.18 දින නිකුත් කළ ගැසට් පත්‍රයේ පළ කර ඇති 22වන ආණ්ඩුක්‍රම ව්‍යවස්ථා සංශෝධන පනත් කෙටුම්පත පිළිබඳ කරුණු සඟවන්නේ කවුද යන්න සහ ඒ ඇයිද යන්න ජනතාව අවබෝධ කර ගත යුතුය. ජනාධිපති ධූර කාලය සම්බන්ධව වසර 5යි කියා ශ්‍රේෂ්ඨාධිකරණය අර්ථදැක්වුවද එය තාමත් වසර 6ක් බවත් ශ්‍රේෂ්ඨාධිකරණය කියන පරිදි එය වසර 5ක් කිරීම ස‍ඳහා 22වන ආණ්ඩුක්‍රම ව්‍යවස්ථා සංශෝධන කෙටුම්පත 2024.07.18 දින නීතිපතිගේ අනුමැතියෙන් ගැසට් පත්‍රයේ පළ කර ඇත. එම ආණ්ඩුක්‍රම ව්‍යවස්ථා සංශෝධන පනත් කෙටුම්පත ගැන රටේ ජනතාවගෙන් 94% වඩා ප්‍රාමාණකයකට දැනුවත්කමක් නැති බවත් නීති අධ්‍යාපන පරීක්ෂණයකින් එළිදරව්වෙමින් ඇත. නීතිය පිළිබඳ එම නොදැනුවත්කම ශ්‍රී ලංකාවේ නීති අධ්‍යාපනයේ කඩා වැටීමකි. නීති අධ්‍යාපනයේ ඛේදවාචකයකි. මෙයට ශ්‍රී ලංකා නීති විද්‍යාලයේ නීති අධ්‍යාපනය මෙහෙයවන සංස්ථාපිත නීති අධ්‍යාපන සභාවත්, විශ්ව විද්‍යාලවල නීති පීඨවල පීඨාධිපතිවරු සහ නීති අධ්‍යයනාංශවල මහාචාර්ය, ආචාර්යවරුන් වගකිවයුතුවන බවට නැවත කිව යුතු නොවේ. එම ආණ්ඩුක්‍රම ව්‍යවස්ථා සංශෝධනය පාර්ලිමේන්තුවට ඉදිරිපත් කරවා ජනාධිපති ධූර කාලය අදාලව වසර 5ක් ලෙස ආණ්ඩුක්‍රම ව්‍යවස්ථාවේ 83 ව්‍යවස්ථාවට ඇතුලත් කිරීමට නීති විශාරදයන්, ශ්‍රී ලංකා නීතීඥ සංගමය සහ ප්‍රජාතන්ත්‍රවාදය, යහපාලනය, නීතියේ පාලනය ගැන උනන්දු අය කටයුතු කරනවාද යන්න පැවසීමට තවම කාලය නොවේ. මේ සම්බන්ධයෙන් වැඩිදුර හදාරන අය පහත ප්‍රශ්න වලට පිළිතුරු සෙවීමට ක්‍රියා කිරීම සුදුසුය. 1. ආණ්ඩුක්‍රම ව්‍යවස්ථාවේ 83. ආ. අනුකොටසේ සිංහල සහ ඉංග්‍රීසි පාඨ අතර වෙනස්කම් ගැන දන්නේ කවුද? 2. ආණ්ඩුක්‍රම ව්‍යවස්ථාවේ 83. ආ. අනුකොටසේ ඉංග්‍රීසි පාඨයේ ඇති "which" වචනයට අදාල තේරුම/ අර්ථය එන වචනයක් සිංහල පාඨයේ නැත්තේ ඇයි? 3. ආණ්ඩුක්‍රම ව්‍යවස්ථාවේ 83. ආ. අනුකොටසේ සිංහල සහ ඉංග්‍රීසි පාඨ අතර ඇති අනෙකුත් වෙනස්කම් මොනවාද? 4. ආණ්ඩුක්‍රම ව්‍යවස්ථාවේ සිංහල සහ ඉංග්‍රීසි පාඨ අතර වෙනසක් මතු වන විට සළකා බැලිය යුත්තේ කවර භාෂා පාඨයද? මේ සම්බන්ධයෙන් ගැඹුරෙන් හැදෑරීමට විද්‍යාර්ථීන් ක්‍රියා කළ යුතුය. නීතීඥ අරුණ ලක්සිරි උණවටුන B.Sc(Col), PGDC(Col) සමායෝජක, වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන. දුරකථන 0712063394 (2025.05.27)