සිංහල භාෂාවෙන් නීතිය ඉගෙනීම ඉවත් කිරීමට රාජපක්ෂලාව මෙහෙයවූ අය තව දුරටත් උත්සාහ කරන්නේ බුද්ධාගමට හිමි ප්රමුඛස්ථානය සහ ජනමතවිචාරණ ඡන්ද බලය අහිමි කිරීම දක්වා රාජපක්ෂලාව මෙහෙයවීමටද?
සිංහල භාෂාවෙන් නීතිය ඉගෙනීම ඉවත් කිරීමට
රාජපක්ෂලාව මෙහෙයවූ අය තව දුරටත් උත්සාහ කරන්නේ බුද්ධාගමට හිමි ප්රමුඛස්ථානය සහ ජනමතවිචාරණ ඡන්ද බලය අහිමි කිරීම දක්වා රාජපක්ෂලාව මෙහෙයවීමටද?
නිදහස් අධ්යාපනය ලබන දරුවන්ට සිංහලෙන්
නීතිය ඉගෙනීමට සිරිමාවෝ මැතිණියගේ 1970 ආණ්ඩුව අවස්ථාව ලබා දී තිබූණි.
සිංහලෙන් නීතිය ඉගෙනගත් නීතීඥවරුන් විනිසුරුවරුන්, නීතිපතිවරුන්, ජනාධිපති නීතීඥයන් වූවා පමණක් නොව සිංහල භාෂාවෙන් ශ්රේෂ්ඨාධිකරණයේ නීති තර්ක ගෙනවිත් රජය ගෙනා ආණ්ඩුක්රම ව්යවස්ථා විරෝධී පනත් කෙටුම්පත් පරාජය කරනු ලැබීමටද සමත්ව ඇත.
එවන් තත්ත්වයක් තුළ සිංහල භාෂාවෙන් නීති අධ්යාපනය ලබා ගැනීමට තිබූ අයිතිය අහිමි කරමින් 2020.12.30 අංක 2208/13 ගැසට් පත්රය පළකිරීමට සහාය දෙම්න් කිහිප දෙනෙකුගේ බලය සහ අධිකාරය ශක්තිමත් කිරීමට රාජපක්ෂලා කටයුතු කළේය.
සිංහල බහුතර ජනතාවගේ බලයෙන් පත් වූ රජපක්ෂලා සිංහල භාෂාවෙන් නීති අධ්යාපනය ලබා දීම තහනම් කිරීමට අධිකරණ අමාත්යාංශයට, සංස්ථාගත නීති අධ්යාපන සභාවට ඉඩ දුන්නේය.
සිංහල භාෂාවෙන් ශ්රේෂ්ඨාධිකරණ තීන්දු ලබා ගැනීමට පාර්ලිමේන්තුවේ මන්ත්රීවරුන් කථානායකවරයාගෙන් ඉල්ලා සිටියදී එයට ඉඩ දුන්නේ නැත.
ජනතාවගේ සිංහල භාෂා අයිතිය නීති අධ්යාපනයෙන් මේ වන විට ඉවත් කර ඇති අතර, ඉතිරිව ඇත්තේ අධිකරණ භාෂාවක් ලෙස පහළ අධිකරණවල සිංහල භාෂාව යොදා ගැනීම ඉවත් කිරීමය. සිංහල භාෂාවෙන් නීති අධ්යාපන ලබා දීම සිදු නොකරන හෙයින් සිංහල භාෂාවෙන් නඩු විභාග කිරීම ප්රායෝගික නොවන බව තේරුම් ගැනීම අපහසු නොවේ.
සිංහල භාෂාවෙන් නීති අධ්යාපනය ලබා දීම, නඩු විභාග කිරීම වැළක්වීම මෙන්ම බුද්ධාගමට ප්රමුඛස්ථානය ලබා දී ඇති ආණ්ඩුක්රම ව්යවස්ථාවේ 9 වන ව්යවස්ථාව අහෝසි කිරීමත්, ජනමතව්චාරණයක් සඳහා ප්රතිපාදන සළසා දී ඇති ආණ්ඩුක්රම ව්යවස්ථාවේ 85.2 ව්යවස්ථාව අහෝසි කිරීමත් ඉහත කිහිප දෙනාගේ ඉලක්කයකි.
එම ඉලක්ක සාර්ථක කර ගන්නා තෙක් රාජපක්ෂලාව ආරක්ෂා කිරීමට ඔවුන් ක්රියා කරනු ඇත.
මෙය තේරුම් ගැනීම සහ මෙයට පිළියම් සෙවීමට රාජපක්ෂලාටත්, ජනතාවටත් ඇති හැකියාව මත රටේ ඉදිරි ගමන තීරණය වෙයි.
නීතීඥ අරුණ ලක්සිරි උණවටුන B.Sc(Col), PGDC(Col), සමායෝජක, වෛද්ය තිලක පද්මා සුබසිංහ අනුස්මරණ නීති අධ්යයන වැඩසටහන.
දුරකථන 0712063394
(2022.04.17)
Comments
Post a Comment