ශ්රේෂ්ඨාධිකරණ තීරණ උල්ලංඝනය කිරීමට පොළඹවා වෘත්තීය විෂමාචාරයේ යෙදී ඇති බවට නීතිඥ දප්පුල ද ලිවේරා සම්බන්ධයෙන් අගවිනිසුරුට නීතිඥවරයෙක් පැමිණිලි කරයි...!
ශ්රේෂ්ඨාධිකරණ තීරණ උල්ලංඝනය කිරීමට පොළඹවා වෘත්තීය විෂමාචාරයේ යෙදී ඇති බවට නීතිඥ දප්පුල ද ලිවේරා සම්බන්ධයෙන් අගවිනිසුරුට නීතිඥවරයෙක් පැමිණිලි කරයි...!
ආණ්ඩුක්රම ව්යවස්ථාවේ 70වන ව්යවස්ථාව සංශෝධනය කිරීමට අනුගමනය කළ යුතු කාර්යය පටිපාටිය පැහැදිලි කරමින් වර්ෂ 2002 දී ශ්රේෂ්ඨාධිකරණ විනිසුරුවරු 07දෙනෙකු ඒකමතික තීරණයක් ලබා දී ඇත. එම ශ්රේෂ්ඨාධිකර තීරණය අනුව ආණ්ඩුක්රම ව්යවස්ථාවේ 70 වන ව්යවස්ථාව සංශෝධනය කළ යුත්තේ පාර්ලිමේන්තුවෙන් නොපැමිණි මන්ත්රීවරයන් තුනෙන් දෙකක ගේ කැමැත්තෙන් සහ ජනමතවිචාරණයක දී ජනතාව විසින් අනුමත කිරීමෙන් පසුවය.
ආණ්ඩුක්රම ව්යවස්ථාවේ 70 වන ව්යවස්ථාව සංශෝධනය කිරීමට අදාළ කාරණය ශ්රේෂ්ඨාධිකරණය විසින් විනිශ්චය කර තිබිය දී නීතිඥ දප්පුල ද ලිවේරා එම ශ්රේෂ්ඨාධිකරණ තීරණයට පටහැනිව 70වැනි ව්යවස්ථාව සංශෝධනය කිරීමට ජනමතවිචාරණයක් අවශ්ය නොවන බවත් පාර්ලිමේන්තුවේ තුනෙන් දෙකක ඡන්දයෙන් ඒ කළ හැකි බවත් ජනාධිපතිවරයාටත්, අමාත්ය මණ්ඩලයටත්, අධිකරණ අමාත්යාංශයේ ලේකම්වරයාටත් නීති උපදෙස් ලබා දී ඇත.
එමෙන්ම 2020.09.02 දිනැති ගැසට් පත්රය මගින් ප්රසිද්ධ කර ඇති විසිවන ආණ්ඩුක්රම ව්යවස්ථා සංශෝධන පනත් කෙටුම්පතේ 14 වගන්තිය මගින් දක්වා ඇත්තේ ආණ්ඩුකම ව්යවස්ථාවේ 70 වන ව්යවස්ථාව ජනමත විචාරණයකට නොගොස් පාර්ලිමේන්තුවේ තුනෙන් දෙකක මන්ත්රී ඡන්දයෙන් පමණක් සම්මත කර ගත හැකි බවට කෙටුම්පත් කර ඇත.
විසිවන ආණ්ඩුක්රම ව්යවස්ථා සංශෝධනය පනත් කෙටුම්පතේ 14වන වගන්තියට ආණ්ඩුක්රම ව්යවස්ථාවේ 70වන ව්යවස්ථාව සංශෝධනය කිරීමට විධිවිධාන ඇතුලත් කිරීමෙන් නීතිඥ දප්පුල ද ලිවේරා විසින් තමන්ගේ සේවාදායකයන්ට ශ්රේෂ්ඨාධිකරණ තීරණ උල්ලංඝනය කිරීමට පොළඹවා ඇති අතර මෙය වෘත්තීය විෂමාචාරයක් බව දක්වමින් නීතිඥ අරුණ ලක්සිරි විසින් අගවිනිසුරුවරයා වෙත 1988 ශ්රේෂ්ඨාධිකරණ ( නීතිඥවරයන් සදහා වූ වෘත්තීය පැවැත්ම සහ ආචාර ධර්ම පිළිබද ) රීති 3,15,18,18.අ., 51, 58 සහ 62 රීති අනුගමය නොකර ක්රියා කර ඇති බවට පැමිණිලි කර ඇත.
නීතිඥ දප්පුල ද ලිවේරාට එරෙහිව අගවිනිසුරුට කර ඇති පැමිණිල්ල පහත දැක්වේ.
Comments
Post a Comment