20න් 2015 දී පාර්ලිමේන්තුවට තිබූ ව්‍යවස්ථාදායක බලය 2020 පාර්ලිමේන්තුවට අහිමි කර ගැනීම ගැන ජනාධිපති නීති විශාරදයන් නිහඩ 76.1 අනුව්‍යවස්ථාවේ සිංහල භාෂා පාඨය, ඉංග්‍රීසි භාෂා පාඨයට වඩා වෙනස් බව එළිදරව්වෙන නිසාද?

20න් 2015 දී පාර්ලිමේන්තුවට තිබූ ව්‍යවස්ථාදායක බලය 2020 පාර්ලිමේන්තුවට අහිමි කර ගැනීම ගැන ජනාධිපති නීති විශාරදයන් නිහඩ 76.1 අනුව්‍යවස්ථාවේ සිංහල භාෂා පාඨය, ඉංග්‍රීසි භාෂා පාඨයට වඩා වෙනස් බව එළිදරව්වෙන නිසාද? නීතිඥ අරුණ ලක්සිරි උණවටුන (2020.11.02)

20 වන ආණ්ඩුක්‍රම ව්‍යවස්ථා සංශෝධන පනත් කෙටුම්පතට මේ වනවිට කථානායක මහින්ද යාපා අබේවර්ධන අත්සන් යොදා ඇති බව වාර්තා වී ඇත. 20 වන ආණ්ඩුක්‍රම ව්‍යවස්ථා සංශෝධනයට කථානායකවරයා සහතිකය යෙදිය යුත්තේ ආණ්ඩුක්‍රම ව්‍යවස්ථාවේ 80.3 ව්‍යවස්ථාවේ සහ 76 වන ව්‍යවස්ථාවේ විධිවිධාන උල්ලංඝනය කරමින් නොවිය යුතුය. මෙම ලිපිය පදනම් වන්නේ 20න් පාර්ලිමේන්තුවේ ව්‍යවස්ථාදායක බලය අහිමි කර ගැනීම ගැන ජනාධිපති නීති විශාරදයන් නිහඩ 76.1 අනුව්‍යවස්ථාවේ සිංහල භාෂා පාඨය, ඉංග්‍රීසි භාෂා පාඨයට වඩා වෙනස් නිසාද? යන්න පිළිබදව හෙයින් 76.1 ව්‍යවස්ථාව ඇසුරෙන් ලිවීමට ලිපිය සීමා කර ඇත. ආණ්ඩුක්‍රම ව්‍යවස්ථාවේ 76.1 වන අනු ව්‍යවස්ථාවේ සිංහල භාෂා පාඨය සහ ඉංග්‍රීසි භාෂා පාඨය වෙනස් ය. ආණ්ඩුක්‍රම ව්‍යවස්ථාවේ 76.1 වන අනු ව්‍යවස්ථාවේ සිංහල භාෂා පාඨයේ වාක්‍ය 3ක් ඇති අතර, ආණ්ඩුක්‍රම ව්‍යවස්ථාවේ 76.1 වන අනු ව්‍යවස්ථාවේ ඉංග්‍රීසි භාෂා පාඨයේ එක් වාක්‍යක් පමණක් දැක්වේ. ආණ්ඩුක්‍රම ව්‍යවස්ථාවේ 76.1 වන අනු ව්‍යවස්ථාවේ සිංහල භාෂා පාඨයේ වාක්‍ය 3න මෙසේය. 1 වන වාක්‍ය - පාර්ලිමේන්තු විසින් පාර්ලිමේන්තුවේ ව්‍යවස්ථාදායක බලය අත් නොහළ යුත්තේ ය. 2 වන වාක්‍ය - කිසිම ආකාරයකින් අන්සතු නොකළ යුත්තේ ය. 3 වන වාක්‍ය - කවර වූ හෝ ව්‍යවස්ථාදායක බලයක් ඇති කිසිම අධිකාරයක් පාර්ලිමේන්තුව විසින් නොපිටුවිය යුත්තේ ය. ඉහත වාක්‍ය 3 ආණ්ඩුක්‍රම ව්‍යවස්ථාවේ 76.1 අනු ව්‍යවස්ථාවේ සිංහල භාෂා පාඨයේ තිබුණද ඉංග්‍රීසි භාෂා පාඨයේ එවැනි වාක්‍ය 3ක් නො දැක්වේ. භාෂා පාඨ අතර පවතින මෙම වෙනස්කම හේතුවෙන්, පාර්ලිමේන්තුවේ ව්‍යවස්ථාදායක බලය සම්බන්ධයෙන් 76.1 අනුව්‍යවස්ථාවේ සිංහල භාෂා පාඨය තරම් පැහැදිලිව ඉංග්‍රීසි භාෂා පාඨයේ නොදැක්වේ. ජනාධිපති නීති විශාරදයන් විමසා බලන්නේ ආණ්ඩුක්‍රම ව්‍යවස්ථාවේ ඉංග්‍රීසි භාෂා පාඨ හෙයින් ආණ්ඩුක්‍රම ව්‍යවස්ථාවේ 76.1 ව්‍යවස්ථාවේ සිංහල භාෂා පාඨයේ දක්නට ඇති වැදගත් කම ඔවුන්ට අවබෝධ නොවේ. නමුත් භාෂා අතර අනනුකූලතාවයක් ඇති වුවහොත් සිංහල භාෂා පාඨය වලංගු වන හෙයින් ආණ්ඩුක්‍රම ව්‍යවස්ථාවේ 76.1 අනු ව්‍යවස්ථාවේ සිංහල භාෂා පාඨය සියලු දෙනා පිළිගත යුතු වේ. ඒ අනුව 76.1 වන අනු ව්‍යවස්ථාවේ සිංහල භාෂා පාඨයේ 1 වන වාක්‍ය - "පාර්ලිමේන්තු විසින් පාර්ලිමේන්තුවේ ව්‍යවස්ථාදායක බලය අත් නොහළ යුත්තේ ය.", යන්න 20න් පාර්ලිමේන්තුවේ ව්‍යවස්ථාදායක බලය අහිමි කර ගෙන තිබේද? යන්න පැහැදිලි කර ගැනීමේදී සළකා බැලිය යුතුය. 2015 දී 19වන ආණ්ඩුක්‍රම ව්‍යවස්ථා සංශෝධන පනත් කෙටුම්පතට එවකට කථානායකවරයා සහතිකය යොදා ඇත්තේ එම සංශෝධනය මගින් ආණ්ඩුක්‍රම ව්‍යවස්ථාවේ 33, 35, 70 සහ 104 (උ) (උ) ව්‍යවස්ථා සම්බන්ධයෙන් ජනමතවිචාරණයක් මගින් ජනතාවගේ කැමැත්ත ලබා ගැනීමෙන් තොරවය. එය සනාථ වූයේ 20 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත සම්බන්ධයෙන් ශ්‍රේෂ්ඨාධිකරණ තීරණය පාර්ලිමේන්තුවට දැනුම් දෙමින් කථානායක මහින්ද යාපා අබේවර්ධන මහතා විසින් 2020.10.20 දින පාර්ලිමේන්තුවේ සිදුකළ ප්‍රකාශයත් සමගය. 20 වන ආණ්ඩුක්‍රම ව්‍යවස්ථා සංශෝධන පනත් කෙටුම්පතේ 3 වන වගන්තිය (33 ව්‍යවස්ථාව), 3 වන වගන්තිය (33 ව්‍යවස්ථාව), 5 වන වගන්තිය (35 ව්‍යවස්ථාව), 14 වන වගන්තිය (70 ව්‍යවස්ථාව), 22 වන වගන්තිය (104 (උ )(උ) ව්‍යවස්ථාව) සංශෝධනය කිරීමට පාර්ලිමේන්තුවේ 2/3 මන්ත්‍රීවරුන්ගේ ඡන්දයක් සහ ජනමතවිචාරණයකින්ද ජනතාවගේ අනුමැතිය ලැබීමට අවශ්‍ය බව කථානායකවරයා පාර්ලිමේන්තුවේ දී ප්‍රකාශ කළේය. 20 ගෙන ආවේ 19 ය සංශෝධනය කිරීමට වන අතර, ඒ අනුව පැහැදිලි වන්නේ 2015 දී පාර්ලිමේන්තුවේ කථානායකවරයා විසින් පාර්ලිමේන්තුවේ 2/3 මන්ත්‍රීවරුන්ගේ ඡන්දයෙන් සම්මත කරගෙන තිබූ ආණ්ඩුක්‍රම ව්‍යවස්ථාවේ 33, 35, 70 සහ 104 (උ )(උ) ව්‍යවස්ථා එනම් පාර්ලිමේන්තුවේ 2/3 මන්ත්‍රීවරුන්ගේ ඡන්දයෙන් සංශෝධනය කිරීමට කථානායක මහින්ද යාපා අබේවර්ධන කථානායකවරයාගේ පාර්ලිමේන්තුවට නොහැකි වූ බවයි. එමගින් පැහැදිලි වන අනෙක් කරුණ වන්නේ ආණ්ඩුක්‍රම ව්‍යවස්ථාවේ 76 ව්‍යවස්ථාව මගින් පාර්ලිමේන්තුවට හිමි කර දී ඇති පාර්ලිමේන්තුවේ ව්‍යවස්ථාදායක බලය අත්හැරීමට 2020 පාර්ලිමේන්තුවට සිදුවී ඇති බවත්, 2015 දී පාර්ලිමේන්තුවේ කථානායකවරයා 2/3න් සිදුකළ ව්‍යවස්ථා සංශෝධන, ප්‍රති සංශෝධනය කිරීමට / නැවත යථාතත්ත්වයට පත්කිරීමට මහින්ද යාපා අබේවර්ධන කථානායකවරයාට 2020 දී 2/3 න් කිරීමට නොහැකි බවයි. 20න් පාර්ලිමේන්තුවේ ව්‍යවස්ථාදායක බලය අහිමි කර ගැනීම ගැන ජනාධිපති නීති විශාරදයන් නිහඩ 76.1 අනුව්‍යවස්ථාවේ සිංහල භාෂා පාඨය, ඉංග්‍රීසි භාෂා පාඨයට වඩා වෙනස් බව එළිදරව්වෙන නිසාද? යන්න තේරුම් ගැනීමට දැන් ජනතාවට අවස්ථාව ලැබී ඇත. arunaunawatuna@gmail.com