ශ්‍රී ලංකාවේ දියුණුවට මව් භාෂාවේ වැදගත්කම සහ අධිකරණ භාෂා දක්වන දායකත්වය සම්බන්ධ සුදුසු රචනා/නිබන්ධන තෝරා ගැනීමේ තරඟය (සිංහල මාධ්‍ය - විවෘත)

පාර්ලිමේන්තුව විසිරවීම අවලංගුකළ ශ්‍රේෂ්ඨාධිකරණ තීන්දු රාජ්‍ය භාෂාවෙන් හෝ ජාතික භාෂාවෙන් හෝ නීති පැනවීමේ භාෂාවෙන් හෝ අධිකරණ භාෂාවෙන් ලබා ගැනීමට අවශ්‍ය කටයුතු කිරීමට ජනාධිපති කළ ඉල්ලීමට ශ්‍රේෂ්ඨාධිකරණය නියෝගයක් ලබානොදේ.....!

මෛත්‍රීපාල සිරිසේන ජනාධිපතිවරයා විසින් පාර්ලිමේන්තුව විසුරුවාහරිමින් 2018 නොවැම්බර් මස 09 වන දිනැති අංක 2096/70 දරන අතිවිශේෂ ගැසට් පත්‍රය නිකුත් කළ අතර එකී ගැසට් පත්‍රය අවලංගු කරමින් ශ්‍රේෂ්ඨාධිකරණ විසින් 2018.12.13 දින තීන්දුවක් ලබා දී තිබුණි. එකී තීන්දු ඉංග්‍රීසි භාෂාවෙන් ලබා දී තිබුණි. ඉංග්‍රීසි භාෂාව යනු ශ්‍රී ලංකාවේ රාජ්‍ය භාෂාව හෝ ජාතික භාෂාව හෝ නීති පැනවීමේ භාෂාව හෝ අධිකරණ භාෂාව හෝ නොවන අතර එය රාජ්‍ය භාෂාවෙන් ලබා ගැනීම සදහා නීතිඥ අරුණ ලක්සිරි උණවටුන විසින් ජනාධිපතිවරයා වෙත 2018.12.18 දින ලිඛිතව ඉල්ලීමක් කර තිබුණි.

පාර්ලිමේන්තුව විසිරවීම අවලංගුකළ නඩු තීන්දු රාජ්‍ය භාෂාවෙන් ලබා නොදී පුරවැසියන්ගේ මූලික අයිතිවාසිකම් උල්ලංඝනය එනම් සිතීමේ නිදහස,  හෘදය සාක්ෂියේ නිදහස, නීතිය පසිඳලීම සහ ක්‍රියාත්මක කිරීම ද, නීතියේ රැකවරණයද, සර්ව සාධාරණ වීම, කිසිම පුරවැසියකු භාෂාව මත වෙනස්කමකට හෝ ලක් නොවිය යුතු වීම, භාෂණයේ නිදහසට සහ ප්‍රකාශනය ඇතුළු අදහස් පළ කිරීමේ නිදහස, සමාගමයේ නිදහස, එකලාව හෝ අන් අය හා සමග හෝ ස්වකීය සංස්කෘතිය භුක්ති විදීමේ හා වැඩි දියුණු කිරීමේ නිදහස ස්වකීය භාෂාව භාවිත කිරීමේ නිදහස ඇතුළු මූලික අයිතිවාසිකම් අහිමි කිරීම ජනාධිපතිවරයා විසින් සිදු ‍නොකළ යුතු බව ඉන් පෙන්වා දී තිබුණි. එම ලිපිය පහත දැක්වේ.

 ජනාධිපතිවරයා වෙත කළ එකී ඉල්ලීම ජනාධිපති ලේකම් උදය ආර් සෙනෙවිරත්න වෙනුවෙන් ජනාධිපති අතිරේක ලේකම් නීතිඥ ලක්ෂ්මී ජයවික්‍රම විසින් සුදුසු කටයුතු සදහා අධිකරණ හා බන්ධනාගාර ප්‍රතිසංස්කරණ  අමාත්‍යාංශයේ ලේකම් ආර්. එම්. ඩී. බී. මීගස්මුල්ල වෙත යොමු කර ඇත. එකී ලිපිය පහත දැක්වේ.

ජනාධිපති කාර්යාලය විසින් යොමු කළ ලිපිය අධිකරණ හා බන්ධනාගාර ප්‍රතිසංස්කරණ  අමාත්‍යාංශයේ ජ්‍යේෂ්ඨ සහකාර ලේකම් නීති රෝෂනී හෙට්ටිගේ විසින් ශ්‍රේෂ්ඨාධිකරණයේ රෙජිස්ට්‍රාර් වෙත 2019.03.15 දින අවශ්‍ය කටයුතු සදහා යොමු කර ඇත. එකී ලිපිය පහත දැක්වේ.

ජනාධිපතිවරයා වෙනුවෙන් ජනාධිපති ලේකම් උදය ආර් සෙනෙවිරත්න, ජනාධිපති අතිරේක ලේකම් නීතිඥ ලක්ෂ්මී ජයවික්‍රම සහ අධිකරණ හා බන්ධනාගාර ප්‍රතිසංස්කරණ  අමාත්‍යාංශයේ ජ්‍යේෂ්ඨ සහකාර ලේකම් නීති රෝෂනී හෙට්ටිගේ විසින් යොමු කරන ලද ලිපි සහ 2018.12.18 දින ලිපිය සළකා බැලූ ශ්‍රේෂ්ඨාධිකරණය විසින් ජනාධිපතිවරයා විසින් පාර්ලිමේන්තුව විසුරුවාහරිමින් 2018 නොවැම්බර් මස 09 වන දිනැති අංක 2096/70 දරන අතිවිශේෂ ගැසට් පත්‍රය අවලංගු කරමින් 2018.12.13 දින ලබා දුන් තීන්දුව සිංහල භාෂාවෙන් ලබා දීම 2019.05.07 දින ප්‍රසන්න ජයවර්ධන, ප්‍රීති පද්මන් සූරසේන සහ අමරසේකර යන විනිශ්චයකාරතුමන්ලා විසින් නියෝගයක් ලබා නොදෙන ලදී.