2002 දී ගෙනා 19වන ආණ්ඩුක්‍රම ව්‍යවස්ථා සංශෝධන පනත් කෙටුම්පතට ශ්‍රේෂ්ඨාධිකරණ විනිසුරු 7දෙනා ලබා දුන් ඒකමතික තීරණය පාර්ලිමේන්තු මැතිවරණය සම්බන්ධව පංච පුද්ගල ශ්‍රේෂ්ඨාධිකරණ නඩුවේදී මැයි 18 සහ 19 සැළකිල්ලට ලක්කරයිද?

2002 දී ගෙනා 19වන ආණ්ඩුක්‍රම ව්‍යවස්ථා සංශෝධන පනත් කෙටුම්පතට ශ්‍රේෂ්ඨාධිකරණ විනිසුරු 7දෙනා ලබා දුන් ඒකමතික තීරණය පාර්ලිමේන්තු  මැතිවරණය සම්බන්ධව පංච පුද්ගල ශ්‍රේෂ්ඨාධිකරණ නඩුවේදී මැයි 18 සහ 19 සැළකිල්ලට ලක් කරයිද?

ජූනි 20 පවත්වන මැතිවරණය අවලංගු කළොත් පාර්ලිමේන්තුව විසුරුවපු ගැසට්ටුවත් අවලංගු වෙනවද? 

එහෙම අවලංගු වෙනවානම් වසර 4 1/2ක් යනකම් පාර්ලිමේන්තුව විසුරුවන්න බෑ කියල ශ්‍රේෂ්ඨාධිකරණයේ විනිසුරුවරු 7 දෙනෙක් 2018දී ලබා දුන් ඒකමතික තීරණයත් අවලංගු වෙනවද? 

1. 2002 දී ගෙනා 19යට දුන් ශ්‍රේෂ්ඨාධිකරණ විනිසුරු 7දෙනාගෙ තීරණය, 

2. 2015 දී ගෙනා 19යට දුන් ශ්‍රේෂ්ඨාධිකරණ විනිසුරු 3 දෙනාගෙ තීරණය සහ 

3. 2018 දී මෛත්‍රීපාල ජනාධිපතිවරයා පාර්ලිමේන්තුව විසිරවීම අවලංගු කරමින් ශ්‍රේෂ්ඨාධිකරණය විනිසුරු 7 දෙනාගේ තීන්දුව 

නීතිමය කාරණා ශ්‍රේෂ්ඨාධිකරණය විසින් සන්සන්දනය කරමින් 2020 ජුනි 20 මැතිවරණය පැවැත්වීමට මැතිවරණ කොමිසම ගත් ක්‍රියාමාර්ග සම්බන්ධයෙන්  ශ්‍රේෂ්ඨාධිකරණයේ විනිසුරුවරු 5දෙනෙක් ඉදිරියේ ඉංග්‍රීසියෙන් නීති තර්ක කරනවා මැයි 18 සහ 19 දින දෙකේ බලාගන්න පුලුවන්... 

ඒ කියන්නෙ අන්තිමට කියන්න තියෙන්නෙ 19ට 2015දී කථානායක අත්සන් කරල/සහතිකය යොදල තියෙන්නෙ ආණ්ඩුක්‍රම ව්‍යවස්ථාවේ 79 ව්‍යවස්ථාවේ අවසන් විධානය සහ 80.2 අනු ව්‍යවස්ථාවට පටහැනිව 2002 දි 19යට ශ්‍රේෂ්ඨාධිකරණය දීපු තීරණය උල්ලංඝනය කරමින් කියන එකද?....!

හැබැයි මේව ඔක්කොම කතා කරනව ඇත්තෙ ඉංග්‍රීසියෙන්...ඒ නිසා බහුතර ජනතාවට මේව කියවන්න බැරි වෙනව ඇති....! 

මේ වැදගත් නීති කාරණා සම්බන්ධ ශ්‍රේෂ්ඨාධිකරණ නඩු තීන්දු සහ තීරණ රටේ බහුතර ජනතාවගේ භාෂාවෙන් ලබා ගැනීමට ජනතාව උනන්දු විය යුතුය.

නීතිඥ අරුණ ලක්සිරි උණවටුන B.Sc(Col), PGDC(Col) නීති අධ්‍යයන වැඩසටහන් සමායෝජක, වෛද්‍ය තිලක පද්මා සුබසිංහ නීති අධ්‍යයන වැඩසටන, අංක 09, කොළඹ පාර, හදපාන්ගොඩ. (10524)
දුරකථන 0712063394
විද්‍යුත් තැපැල් arunaunawatuna@gmail.com