වගන්ති 7 ක් ආණ්ඩුක්‍රම ව්‍යවස්ථාවට අනනුකූල බව ගරු ශ්‍රේෂ්ඨාධිකරණය තීරණය කර ඇති කොරෝනා පනත් කෙටුම්පතේ ශ්‍රේෂ්ඨාධිකරණ තීරණය සිංහල භාෂාවෙන්ද හැන්සාඩ් වාර්තාවට ඇතුලත් කරන ලෙස හෝ සිංහල භාෂාවෙන්ද ලබා දෙන ලෙස ඉල්ලා ශ්‍රේෂ්ඨාධිකරණ නඩුවේ පෙත්සම්කරු පාර්ලිමේන්තුවෙන් ඉල්ලීමක් කරයි...!

වගන්ති 7 ක් ආණ්ඩුක්‍රම ව්‍යවස්ථාවට අනනුකූල බව ගරු ශ්‍රේෂ්ඨාධිකරණය තීරණය කර ඇති කොරෝනා පනත් කෙටුම්පතේ ශ්‍රේෂ්ඨාධිකරණ තීරණය සිංහල භාෂාවෙන්ද හැන්සාඩ් වාර්තාවට ඇතුලත් කරන ලෙස හෝ සිංහල භාෂාවෙන්ද ලබා දෙන ලෙස ඉල්ලා ශ්‍රේෂ්ඨාධිකරණ නඩුවේ පෙත්සම්කරු පාර්ලිමේන්තුවෙන් ඉල්ලීමක් කරයි...!

පහත දැක්වෙන්නේ එම ඉල්ලීමයි. (විද්‍යුත් තැපෑලෙන්/ අතින්/ ලි.ප.තැ) කථානයක කාර්යාලයේ තොරතුරු නිලධාරී, පාර්ලිමේන්තුව, ශ්‍රී ජයවර්ධනපුර, කෝට්ටේ. වගන්ති 7 ක් ආණ්ඩුක්‍රම ව්‍යවස්ථාවට අනනුකූල බව ගරු ශ්‍රේෂ්ඨාධිකරණය තීරණය කර ඇති 2019 කොරෝනා වෛරස් රෝගය (තාවකාලික) (විශේෂ විධිවිධාන) පනත් කෙටුම්පතේ ශ්‍රේෂ්ඨාධිකරණ තීරණය සිංහල භාෂාවෙන්ද හැන්සාඩ් වාර්තාවට ඇතුලත් කරන ලෙස හෝ සිංහල භාෂාවෙන්ද ලබා දෙන ලෙස ඉල්ලා සිටීම. 1) 2021 ජූනි 08 වන දින පාර්ලිමේන්තුවේ පළමුවර කියවූ 2019 කොරෝනා වෛරස් රෝගය (තාවකාලික) (විශේෂ විධිවිධාන)  පනත් කෙටුම්පතට එරෙහිව මා ගරු ශ්‍රේෂ්ඨාධිකරණයේ ආණ්ඩුක්‍රම ව්‍යවස්ථාවේ 121 ව්‍යවස්ථාවේ ප්‍රතිපාදන යටතේ ලිඛිත පෙත්සමක් මගින් එහි ආණ්ඩුක්‍රම ව්‍යවස්ථානුකූලත්වය අභියෝග කළ අතර (SC/ SD/ 24/ 2021) ගරු කථානායකතුමා වෙත එකී පෙත්සම ලැබී ඇති බව 2021 ජූනි 22 දින ගරු පාර්ලිමේන්තුවට දැනුම් දී ඇත. 2) 2019 කොරෝනා වෛරස් රෝගය (තාවකාලික) (විශේෂ විධිවිධාන)  පනත් කෙටුම්පතට අදාල ශ්‍රේෂ්ඨාධිකරණ තීරණය ගරු කථානායකතුමා වෙත ලැබී ඇති බව සහ එකී තීරණය අනුව එකී පනත් කෙටුම්පතේ වගන්ති 7ක් ආණ්ඩුක්‍රම ව්‍යවස්ථාවට අනනුකූල බව තීරණය කර ඇති බව වෙනත් කරුණු අතර ප්‍රකාශ කළ අතර, එකී තීරණය 2021 ජූලි 06 දින හැන්සාඩ් වාර්තාවේ ඉංග්‍රීසි භාෂාවෙන් පමණක් සම්පූර්ණයෙන් ඇතුලත් කර ඇති අතර සිංහල භාෂාවෙන් එකී තීරණය හැන්සාඩ් වාර්තාවට ඇතුලත් නොකිරීමෙන් පෙත්සම්කරුගේත්, ජනතාවගේත් අයිතිවාසිකම් අහිමි කර ඇත. 3) ආණ්ඩුක්‍රම ව්‍යවස්ථාවේ 3, 4.(ඇ), 4.(ඈ) සහ 9වන ව්‍යවස්ථා සහ III සහ IV පරිච්චේදවල සහ 2016 අංක 12 දරන තොරතුරු දැන ගැනීමේ අයිතිවාසිකම් පිළිබඳ පනතේ විධිවිධාන අනුව 2019 කොරෝනා වෛරස් රෝගය (තාවකාලික) (විශේෂ විධිවිධාන)  පනත් කෙටුම්පතට අදාල ශ්‍රේෂ්ඨාධිකරණ තීරණය සිංහල භාෂාවෙන් හැන්සාඩ් වාර්තාවට ඇතුලත් නොකර හෝ සිංහල භාෂාවෙන් ලබා නොදී එකී පනත් කෙටුම්පත සම්බන්ධ ඉදිරි පියවර ගැනීම ජනතාවගේ පරමාධිපත්‍යයට අහිතකර කාරණයක් බවත්, එකි ශ්‍රේෂ්ඨාධිකරණ තීරණය සිංහල භාෂාවෙන් පාර්ලිමේන්තු හැන්සාඩ් වාර්තාවට ඇතුලත් කර ගැනීමට හෝ සිංහල භාෂාවෙන් ලබා ගැනීමට පෙත්සම්කරුවන මා වෙත අයිතිය ඇති බව දැනුම් දෙමි. 4) එසේ හෙයින් 2021 ජූලි 06 දින හැන්සාඩ් වාර්තාවේ පළ කර ඇති 2019 කොරෝනා වෛරස් රෝගය (තාවකාලික) (විශේෂ විධිවිධාන)  පනත් කෙටුම්පතේ ශ්‍රේෂ්ඨාධිකරණ තීරණය සිංහල භාෂාවෙන්ද හැන්සාඩ් වාර්තාවට ඇතුලත් කරන ලෙස හෝ සිංහල භාෂාවෙන්ද ලබා දෙන ලෙස කාරුණිකව ඉල්ලා සිටිමි. මෙයට, විශ්වාසී, (අත්සන් කළේ) අරුණ ලක්සිරි උණවටුන (SC/ SD/ 24/ 2021 - පෙත්සම්කරු) පිටපත් 1) ජනාධිපති ලේකම්, ජනාධිපති ලේකම් කාර්යාලය, කොළඹ 01. 2) පාර්ලිමේන්තුවේ මහ ලේකම්,පාර්ලිමේන්තුව, ශ්‍රී ජයවර්ධනපුර, කෝට්ටේ. 3) තොරතුරු නිලධාරී, පාර්ලිමේන්තුව, ශ්‍රී ජයවර්ධනපුර, කෝට්ටේ. 4) ලේකම්, අධිකරණ අමාත්‍යාංශය, කොළඹ 12. 5.) සභාපති, රාජ්‍ය භාෂා කොමිෂන් සභාව, අංක 40, බුත්ගමුව පාර, රාජගිරිය. 6) රාජ්‍ය භාෂා කොමසාරිස්, භාෂා මන්දිරය"",අංක 341/7,කෝට්ටේ පාර, රාජගිරිය. 7) නීතිපති, නීතිපති දෙපාර්තමේන්තුව, කොළඹ 12. [මාධ්‍ය අංශය, වෛද්‍ය තිලක පද්මා සුබසිංහ අනුස්මරණ නීති අධ්‍යයන වැඩසටහන දුරකථන 0342256066/ 0712063394/ 0786016161]