(How attain the Sovereignty make dirty after the "RANIL 50 Grundnorm" at the Shangri-La On 04th of December 2022.) 2022 දෙසැම්බර් 04 වැනි දින ෂැංග්රිලා හි "රනිල් 50 ගෘන්නෝමයට" පසු පරමාධිපත්යය අපිරිසිදු කරවන ආකාරය....
(How attain the Sovereignty make dirty after the "RANIL 50 Grundnorm" at the Shangri-La On 04th of December 2022.)
2022 දෙසැම්බර් 04 වැනි දින ෂැංග්රිලා හි "රනිල් 50 ගෘන්නෝමයට" පසු පරමාධිපත්යය අපිරිසිදු කරවන ආකාරය....
රනිල් වික්රමසිංහ ජනාධිපතිවරයාගේ නීතීඥ වෘත්තියට වසර 50ක් සම්පූරණ වීම වෙනුවෙන් පවත්වන ලද උත්සවය අංශ කිහිපයකින් වැදගත් වේ. දේශපාලනික, නෛතික සහ ආර්ථික අංශ 3ම එහිදී සළකා බැලිය හැකිය.
1972 දී කොළඹ රාජකීය විද්යාලයේ නවරගහලේදී ඩොමීනියන් සිට නිදහස දක්වා පැමිණි අතර, 2022 දෙසැම්බර් 04 දා කොළඹ ෂැන්ග්රිලා හෝටලයේදී නැවත ඩොමීනියන් යටත් විජිතයට රට ගෙනයාම ආරම්භ විය. ඒ නීති දේශපාලනික කතාවට පූර්විකාවක් මෙම ලිපියෙන් ලබා දී ඇත.
මෙම ලිපියෙන් සාකච්චා කිරීමට අදහස් කරන්නේ
"රනිල් 50" යනු ශ්රී ලංකාවේ 2වන ගෘන්නෝමයද? (Grundnorm) යන්න පිළිබඳවයි.
(How attain the Sovereignty make dirty after the "RANIL 50 Grundnorm" at the Shangri-La On 04th of December 2022.)
2022 දෙසැම්බර් 04 වැනි දින ෂැංග්රිලා හි "රනිල් 50 ග්රන්ඩ්නෝර්ම්" ට පසු පරමාධිපත්යය අපිරිසිදු වන ආකාරයද මෙහිදී අධ්යයනය කළ හැකිය.
මෙම "රනිල් 50" උත්සවයට ෂැංග්රිලා හී සහභාගී වී සිටි පිරිසෙන් වැඩි දෙනෙකු නීති ක්ෂේත්රයේ සහ දේශපාලන ක්ෂේත්රයේ ප්රසිද්ධියට පත් අයයි. එක් අතකින් එතැන ගෘන්නෝමයක අදහස ඇති කරන සාකච්චා ඇති වී තිබෙන බව මාධ්ය වාර්තා පරිශීලනයේදී පෙනී යයි.
"ගෝඨා ගෝ හෝම්" අරගලයෙන් ගෝඨාභය රාජපක්ෂ ජනාධිපතිවරයා ධූරයෙන් ඉවත් කරවීමට තරම් විශාල ජනතා සහභාගීත්වයක් තිබුණද ගෘන්නෝම නීති මූලධර්මය ක්රියාත්මක කිරීමට දැනුවත් කමක් ඒ ජනතාවට සහ අරගලකරුවන්ට නොතිබුණි.
පෙර නීතිය අභිබවා ජනතාව විසින් නීති සම්පාදනය කිරීමේ අදහස ගෘන්නෝම නීති මූලධර්මයේ දැක්වේ. මෙය ජර්මන් ජාතික නීති දාර්ශනිකයෙකු වූ හාන්ස් කෙල්සන්ගේ (1881-1973)
අදහසකි.
"රනිල් 50" ට සහභාගී වූ නීති විශාරදයන් විවිධ දේශපාලන පක්ෂවල නීති කටයුතු වලට දයක වී ඇති බව නෛතික කරුණක් පමණක් නොවේ. ඔවුන් දේශපාලන පක්ෂ බෙදා වෙන්කර දේශපාලකයන්ව මෙහෙයවන්නේ නැතැයි ඉන් නොකියවෙයි. ඒ අනුව විවිධ දේශපාලන පක්ෂ මෙහෙයවීමට ඔවුන්ට ඇති හැකියාව දේශපාලනිකව සුවිශේෂී වෙයි.
"රනිල් 50" උත්සවය 1972 පළමු ජනරජ ව්යවස්ථාවට බලය ලැබූ රාජකීය නවරගහලේ ව්යවස්ථා සම්පාදක කමිටුව මෙන් දේශපාලන පක්ෂ නායකයන් බහුතරයකගේ සහ ජනාධිපති නීති විශාරදයන්ගේ සහභාගිත්වය පෙන්වයි. එයට අමතරව "රනිල් 50" ට අගවිනිසුරුවරයාගේත්, පාර්ලිමේන්තු මන්ත්රීවරුන්ගේ සහභාගීත්වය තිබී ඇති බව මාධ්යයේ පළවී ඇත. (පළමු ගෘන්නෝමය -1970 මැතිවරණයෙන් සමගි පෙරමුණු ආණ්ඩුව )
"රනිල් 50" යනු පෞද්ගලික උත්සවයක් ලෙස පැවති නෛතික ක්රියාකාරකමක්ද වන දේශපාලන ක්රියාකාරකමකි. එහි දේශපාලනික නෛතික කටයුතු සාකච්චා කර ඇත. ශ්රී ලංකාවේ 2වන ගෘන්නෝමය ලෙස එය හැඳින්වීමට සහභාගීත්වයෙන් සහ වර්තමාන සමාජ දේශපාලනික තත්ත්වය උත්ප්රේරක සපයයි
රටේ ඒකීයත්වය, එක්සත් වීම වැනි ආණ්ඩුක්රම ව්යවස්ථා සංශෝධන ගැන දේශපාලනයේ සංවාදයක් ඇති වී තිබියදී සහ ආර්ථික අර්බුදයට ඩයස්පෝරාවේ සහාය ලැබීමට ආණ්ඩුක්රම ව්යවස්ථා සංශෝධන අවශ්ය බවට ඉල්ලීම් තිබියදී ජයන්ත ජයසූරිය අගවිනිසුරු එවැනි විවාදාත්මක ස්ථානයකට සහභාගී වීම අධිකරණයේ අපක්ෂපාතීත්වය පවත්වාගෙන යාමේදී හිතකර නොවුණත් ගෘන්නෝම නීති මූලධර්මය අනුව ආණ්ඩුක්රම ව්යවස්ථාව වෙනස් කිරීමේ උද්දීපන සාකච්ඡාවකට අගවිනිසුරුවරයා සහභාගී වීම වරදක් නොවේ.
"රනිල් 50" කටයුතු මූලිකව පැවැත්වී ඇත්තේ ඉංග්රීසි භාෂාවෙනි. ඉංග්රීසි භාෂාව රටේ ඇත්ත රාජ්ය භාෂාවය,රටේ ඇත්ත නීති පැනවීමේ භාෂාවය,රටේ ඇත්ත අධිකරණ භාෂාවය.
ඒ අනුව ඉදිරි ආණ්ඩුක්රම ව්යවස්ථා සංශෝධනයේදී ඒකීය බව ඉවත් කිරීමෙන් එක්සත් වෙනවාට අමතරව, ඉංග්රීසි භාෂාව රාජ්ය භාෂාව, නීති පැනවීමේ භාෂාව සහ අධිකරණ භාෂාව වීමට වැඩි ඉඩක් ඇත්තේ "රනිල් 50" ට සහභාගී වූ අයගේ භාෂාව ඉංග්රීසි භාෂාව වීම හේතුවෙනි.
සංස්ථාගත නීති අධ්යාපන සභාව සිංහල සහ දෙමළ භාෂාවෙන් නීති අධ්යාපනය වැළැක්වූ 2020.12.30 අංක 2208/13 අතිවිශෙෂ ගැසට් පත්රය පිළිබඳව සමාජයේ සහ පාර්ලිමේන්තුවේ ප්රශ්න කරමින් තිබියදී සහ ජනතාව අතර විවාදාත්මක ආණ්ඩුක්රම ව්යවස්ථා සංශෝධන ගෙන ඒමට සූදානම් අවස්ථාවක "රනිල් 50" උත්සවය ප්රසිද්ධියට පත්වීම රටේ නීතියට, ප්රජාතන්ත්රවාදයට සෘජුව බලපායි.
බැද්දේගම සිළිඳුලාට, පුංචි මැණිකෙලාට ඉංග්රීසි ඉගෙනීම මිස නීතිය ඉගෙනීමට යාන්ත්රණයක් නැත. ඒ හේතුවෙන් ආරචිචිලාගේ, ප්රනාන්දු මුදලාලිලාගේ සේවකයන් ලෙස ක්රියා කිරීමට තවදුරටත් ඉංග්රීසි ඉගෙනගත් බැද්දේගම සිළිඳුලාට, පුංචි මැණිකෙලාට සිදුවී ඇත.
නිදහස ලැබී වසර 74ක් ගෙවී ගියද ජනතාවට කියවිය හැකි භාෂාවෙන් ශ්රේෂ්ඨාධිකරණ සහ අභියාචනාධිකරණ තීන්දු ලබා දී ව්යවස්ථාපිත යුතුකම ඉටු නොකරයි. නිදහස ලැබී වසර 74ක් ගෙවී ගියද ශ්රේෂ්ඨාධිකරණ සහ අභියාචනාධිකරණ නඩු විභාග බලා ගැනීමට පමණක් විවෘත වන අතර එම අධිකරණ වල කතාකරන දේ පොදු ජනතාවට තේරුම් ගැනීම දක්වා අධිකරණයේ නඩු විභාග ප්රසිද්ධියේ කරන්නේ නැත.
"ගෝඨා ගෝ හෝම්" අරගලයෙන් ගෝඨාභය රාජපක්ෂ ජනාධිපතිවරයා ධූරයෙන් ඉවත් කරවා ඉන් අනතුරුව අරගලයේ ක්රියාධරයෙකු වූ වසන්ත මුදලිගේ විශ්ව විද්යාල ශිෂ්යයා ඇතුලු කිහිප දෙනෙක් රැදවීමේ නියෝග මත භාරයට ගෙන තිබියදී නැවතත් ජනතාව අතර ගැටුම් ඇතිවන ආකාරයට කිසිවෙකු ක්රියා කරන්නේ නම් එය නීතියේ පාලනයට, යහපාලනයට සුදුසු නොවේ.
ඒ බව "රනිල් 50" ට සහභාගී වූ නීති විශාරදයන් මැදිහත්ව විමසිය යුතුය.
"රනිල් 50" ශ්රී ලංකාවේ 2වන ගෘන්නෝමය බවට පත්ව ඇති හෙයින් එයට සහභාගී වූ අගවිනිසුරු ඇතුලු නීති විශාරදයන්ගේ අනාගත භාවිතාවන් ගැන වැඩි අවධානයක් නිදහස් චින්තකයන් විසින් යෙදීය යුතුය. නොඑසේ නම් මේ ආර්ථික අර්බුද මැද්දේ ජනතාව ඇද වැටෙන්නේ කබළෙන් ලිපටය.
"නීතියේ සිංහල නුගමුල"
ෆීනික්ස් නීති සංග්රහය,
වෛද්ය තිලක පද්මා සුබසිංහ අනුස්මරණ
නීති අධ්යාපන වැඩසටහන
දුරකථන 0342256066, 0342256067, 0712063394
Comments
Post a Comment