ශ්‍රී ලංකාවේ අධිකරණවල නීතිය කතා කිරීම මැන්ඩෙලා, ගාන්ධි මෙන් බන්ධනාගාරගත කරවන අපරාධයක් කරන නීතියක් විජේදාස අධිකරණ ඇමති විසින් ගෙනවිත් ඇති බව දන්නවාද?

ශ්‍රී ලංකාවේ අධිකරණවල නීතිය කතා කිරීම මැන්ඩෙලා, ගාන්ධි මෙන් බන්ධනාගාරගත කරවන අපරාධයක් කරන නීතියක් විජේදාස අධිකරණ ඇමති විසින් ගෙනවිත් ඇති බව දන්නවාද?

දකුණු අප්‍රිකාවේ මැන්ඩෙලා සහ ඉංදියාවේ ගාන්ධි බන්ධනාගාරගත කරන ලද්දේ ඉංග්‍රීසි කිරීටය විසින් යටත්විජිත පාලන කරන ලද නීතියෙන් සහ එම රටවල අධිකරණ විනිසුරුන් විසිනි. ශ්‍රී ලංකාව 1948 නිදහස ලැබුණද, 1972 ස්වස්ථානික ජනරජ ව්‍යවස්ථාවක් තනාගත්තද නිවහල් නීති ක්‍රමයක් නොමැති අතර රෝම ලංදේසි නීතිය, ඉංග්‍රීසි නීතිය, එංගලන්ත නඩු තීන්දු ඇසුරෙන් නීතිය ක්‍රියාත්මක වෙයි. නිවහල් ස්වාධීන නීති ක්‍රමයක් නොමැති ශ්‍රී ලංකාවේ අධිකරණවල නීතිය කතා කිරීම මැන්ඩෙලා, ගාන්ධි මෙන් බන්ධනාගාරගත කරවන අපරාධයක් කරන නීතියක් විජේදාස අධිකරණ ඇමති විසින් අධිකරණයට, විනිශ්චය අධිකාරියකට හෝ ආයතනයකට අපහාස කිරීමට අදාල ද‍ඬුවම් කිරීම ඇතුලු කාරණාවලට අදාල පනත් කෙටුම්පත යන සළුවට මුවා වී ගෙනවිත් ඇත. අධිකරණයට අපහාස කිරීම සම්බන්ධයෙන් ආණ්ඩුක්‍රම ව්‍යවස්ථාවේ, අධිකරණ සංවිධාන පනතේ, සිවිල් නඩු විධාන සංග්‍රහයේ,අපරාධ නඩු විධාන සංග්‍රහයේ හෝ වෙනත් නීති වල දක්වා නොමැති සහ එකී නීතිවලට පටහැනි වන ආකාරයට නීති කෙටුම්පත් සම්පාදකයන් විසින්  අධිකරණයට, විනිශ්චය අධිකාරියකට හෝ ආයතනයකට අපහාස කිරීමට අදාල ද‍ඬුවම් කිරීම ඇතුලු කාරණාවලට අදාල පනත් කෙටුම්පත ඉදිරිපත් කර ඇත. ශ්‍රී ලංකා ප්‍රජාතන්ත්‍රික සමාජවාදී ජනරජයේ ගැසට් පත්‍රයේ 2023.06.23 දින ¡¡ වන කොටසේ අතිරේකයක් ලෙස 2023.06.27 දින නිකුත් කර ඇත. අධිකරණයට, විනිශ්චය අධඅධිකාරියකට හෝ ආයතනයකට අපහාස කිරීමට අදාල ද‍ඬුවම් කිරීම ඇතුලු කාරණාවලට අදාල පනත් කෙටුම්පත http://documents.gov.lk/si/bills.php වෙබ් ලිපිනයෙන් බාගත කර ගත හැකිය. වගන්ති 17කින් සහ පිටු 19කින් යුත් අධිකරණයට, විනිශ්චය අධිකාරියකට හෝ ආයතනයකට අපහාස කිරීමට අදාල ද‍ඬුවම් කිරීම ඇතුලු කාරණාවලට අදාල මෙම පනත් කෙටුම්පත ජනතාවගේ පරමාධිපත්‍යය බලය අවතැන් කර ඇත. බල බෙදීමේ මූලධර්ම නොසළකා ඇත. සංවරණ තුළණ ක්‍රමය බිඳදමා ඇත. කෙටියෙන් කිවහොත් මෙය අධිකරණයට, විනිශ්චයකාරවරුන්ට, නීතිපතිවරයාට, අසතුටට පත්වන අයට ලබා දෙන පාලනයක් නැති නිර්වින්දන එන්නතක් වන අතර අධිකරණයේදී මෙය යොදා ගනීමෙන් යුක්තිය පතන ජනතාවත් නීති තර්ක ඉදිරිපත් කරන නීතීඥවරුන්ද අධිකරණ යනු නීති තර්ක ඉදිරිපත් කළ හැකි ස්ථානයක් නොවන බවට ඒත්තු ගනු ඇත. ඒ වසරක් යන තෙක් ඒ මත නඩු පවරනු ලැබිය හැකි වීමයි. නිවහල් නීති ක්‍රමයක් නොමැති ශ්‍රී ලංකාවේ මෙවැනි නීති යෝජනා කිරීමෙන් ජනතාවගේ මූලික අයිතිවාසිකම් සහ පරමාධිපත්‍යය උදුරාගැනීමට නීතිපතිවරයාටත්, විනිසුරුවරුන්ටත්, අසතුටට පත්වන්නේ යැයි කියන අයටත් අවස්ථව ලබා දී ඇත. නෛතික සාක්ෂරතාවය වර්ධනය කිරීම වෙනුවට නීතිය නොතකන, නීතිය ගර්හාවට ලක්වන සමාජයක් මෙමගින් බිහි වීම සිඳු වෙයි. යුක්තිය පතා අධිකරණයට එන්නෝ පාලනයකින් තොරව නිර්වින්දනය කරවන විජේදාස අධිකරණ ඇමතිගේ අධිකරණයට අපහාස කිරීමට දඩුවම් නියම කරන යෝජිත නීතිය ගැන දැනුවත් වීමට එකී පනත් කෙටුම්පත කියවිය යුතුය. තමන් නීතිය පෙන්වා දුන් බව විත්තිවාචකයක් වන අතර විත්තිවාචකය අධිකරණය විසින් පිළිගන්නා තෙක් බන්ධනාගාරගත වී සිටීමට, නීතීඥ වෘත්තීය අහිමි කරගෙන සිටීමට නීතීඥවරුන්ට සිදුවෙයි. ආණ්ඩුව විසින් නීතිය උල්ලංඝනය කිරීම් කරන අවස්ථාවල නීතියෙන් එය පාලනය කිරීමද නීතීඥවරුන්ට, පුරවැසියන්ට මෙකී නීතිය මගින් වැළකී ඇත්තේ නීතිපතිවරයාට මෙකි යෝජිත නීතියෙන් නඩු පැවරීමට පුලුල් බලයක් හිමිකර දීමය. මරණ 3ක් ඇති මිනිහෙක් පැණි කෑය යන්න පැරණි කියමනකි. 1.නීතිය කතා කර හිරේ යනවාද? 2.නීතිය කතා නොකර හිරේ යනවාද? 3.නීතිය නොදැන හිරේ යනවාද? විජේදාස අධිකරණ ඇමතිවරයා ජනතාවට හිරගෙවල් 3ක් හිමිකරදෙන නීතියක් ගෙනෙද්දී ජනතාව පැණි කයිද? යන්න ඉන් අවබෝධ කළ හැකිය. අතාර්කික, වහල්, අනුකාරක සමාජයක් බිහිකරවන විජේදාස අධිකරණ ඇමතිගේ යෝජිත නීතිය මගින් අධිකරණය ඉදිරියේ නීතිය පෙන්වාදෙන නීනීතීඥවරයාත්, තාර්කික පදනමකින් කරුණු දක්වන පුරවැසියන්වද, මාධ්‍ය ද ඒ වෙලාවේම බන්ධනාගාරගත කරවිය හැකි වන  නීතියක් ලෙස "අධිකරණයට අපහාස කිරීමට දඬුවම්" ලේබලය යටතේ විජේදාස අධිකරණ ඇමති විසින් ගෙනවිත් ඇත. ඒ අනුව නීතිය කතා කිරීම, නීතිය කතා නොකිරීම සහ නීතිය නොදැනීම යන කාරණා 3ම ශ්‍රී ලංකාවේ බන්ධනාගාරගත වීමට හේතු වෙයි.  එදා මරණ 3ක් ඇති මිනිසාට කෑමට පැණිවත් තිබූ අතර මෙදා විජේදාස අධිකරණ ඇමති හඳුන්වා දෙන නීතියෙන් නීතිය කතා කරන තැනැත්තන්ට  බන්ධනාගාරගත කිරීමෙන් මිදීමට ඇත්තේ දීනත්වය සහ රූකඩයක් ලෙස ජීවත්වීම පමණි. විධායක ඒකාධිපතීත්වය, ව්‍යවස්ථාදායක ඒකාධිපතීත්වය සහ අධිකරණ ඒකාධිපතීත්වය අතරින් අධිකරණ ඒකාධිපතීත්වය බිහිසුණු වන්නේ නීතියෙන් හිමිකරන දඩුවම් ලබා දීම නිවැරදි කිරීම ප්‍රතිඵල රහිත හේතුවෙනි. අරුණ ලක්සිරි උණවටුන B.Sc (Col), PGDC(Col) නීතීඥ   - සමායෝජක, වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන. දුරකථන 0712063394 (2023.06.29)