19 නීතියක් නොවන බවට නීතීඥවරයෙකු පවරා ඇති නඩුව ආණ්ඩුක්‍රම ව්‍යවස්ථාව අර්ථනිරූපණයේදී වැදගත් වන්නේ ඇයි?

19 නීතියක් නොවන බවට නීතීඥවරයෙකු පවරා ඇති නඩුව ආණ්ඩුක්‍රම ව්‍යවස්ථාව අර්ථනිරූපණයේදී වැදගත් වන්නේ ඇයි?

19ට දුන් ශ්‍රේෂ්ඨාධිකරණ තීරණ අනුව ආණ්ඩුක්‍රම ව්‍යවස්ථාවේ 70.1 ව්‍යවස්ථාව ජනමතවිචාරණයක් මගින් ජනතාව විසින් අනුමත කර ජනාධිපතිවරයා විසින් සහතිකය යොදා අත්සන් කර නීතියක් කර නැත. 19 වන ස‍ංශෝධන පනත් කෙටුම්පත තවමත් පවතින්නේ පාර්ලිමේන්තුවේ 2/3 කින් ඡන්දය ලැබී පනත් කෙටුම්පතක මට්ටමේය. ඒ සම්බන්ධයෙන් ආණ්ඩුක්‍රම ව්‍යවස්ථාවේ 12.1 සහ 126 ව්‍යවස්ථා යටතේ නීතීඥ අරුණ ලක්සිරි උණවටුන විසින් SC/FR/191/2024 නඩුව පවරා ඇති අතර 2024 ජූලි 15 දින පූර්ව අවසරය ලබා ගැනීම සඳහා ශ්‍රේෂ්ඨාධිකරණයේ කැදවීමට නියමිතය. මෙම නඩුව ආණ්ඩුක්‍රම ව්‍යවස්ථාව අර්ථනිරූපණය සම්බන්ධයෙන් ආකාර 2කින් වැදගත් වෙයි. 1. ශ්‍රේෂ්ඨාධිකරණය විසින් පනත් කෙටුම්පතක් හෝ විධිවිධානයක් සම්බන්ධව ආණ්ඩුක්‍රම ව්‍යවස්ථාවේ 121 ව්‍යවස්ථාව යටතේ තීරණය ලබා දී ඇති විට එහිදී, ජනමතවිචාරණයක් මගින් ජනතාව වෙත ඉදිරිපත් කිරීමට නියම කර ඇති විධිවිධාන සම්බන්ධයෙන් කතානායකවරයාගේ සහතිකයකින් පමණක් එය නතර වී ඇති විට, පාර්ලිමේන්තුවේ හිරවෙලා / හිරකරගෙන ඉන්නා විට එය ජනමතවිචාරණයක් සහ ජනාධිපතිවරයා විසින් සහතික කර නීතියක් වන ආකාරය සම්බන්ධයෙන් ආණ්ඩුක්‍රම ව්‍යවස්ථා අර්ථනිරූපණය. 2. පනත් කෙටුම්පතක් සම්බන්ධයෙන් ශ්‍රේෂ්ඨාධිකරණ තීරණයට අවනතව ජනතාවගේ පරමාධිපත්‍යය බලය පාර්ලිමේන්තුවේ සිට ජනාධිපතිවරයා දක්වා  ක්‍රියාත්මක විය යුතු ආකාරය සම්බන්ධයෙන් ආණ්ඩුක්‍රම ව්‍යවස්ථා අර්ථනිරූපණයක් කිරීම. ශ්‍රේෂ්ඨාධිකරණය විසින් ආණ්ඩුක්‍රම ව්‍යවස්ථාව අර්ථනිරූපණය කිරීමේ අධිකරණ බලය ක්‍රියාත්මක කිරීමේදී පාර්ලිමේන්තු හෝ කතානායකවරයා විමසීමෙන් පසු එය කිරීමට නියම වන පරිදි පනත් කෙටුම්පතකට කතානායකවරයා විසින් සහතිකය යොදා නීතියක් කරගැනීම වැළැක්වීම සඳහා ඉහත ආණ්ඩුක්‍රම ව්‍යවස්ථා අර්ථනිරූපණයන් වැදගත් වේ. විධායකයට, ව්‍යවස්ථාදායකයට, අධිකරණයට තනිව හෝ එකතුව ආණ්ඩුක්‍රම ව්‍යවස්ථාව උල්ලංඝනය කළ නොහැක. ජනතාවගේ පරමාධිපත්‍යය  අත්නොහළ නොහැක්කේය යනු එයයි. මාධ්‍ය අංශය, වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන දුරකථන 0342256066, 0712063394.