1978 ආණ්ඩුක්‍රම ව්‍යවස්ථාවේ සිංහල - ඉංග්‍රීසි මුද්‍රණ අතර ඇති පරස්පරතා යටපත් කර ආණ්ඩුක්‍රම ව්‍යවස්ථාව උල්ලංඝණය කළ අයට නීතිය ක්‍රියාත්මක කිරීමට ශ්‍රී ලංකා නීතීඥ සංගමය මැදිහත්විය යුත්තේ ඇයි?

1978 ආණ්ඩුක්‍රම ව්‍යවස්ථාවේ සිංහල - ඉංග්‍රීසි මුද්‍රණ අතර ඇති පරස්පරතා යටපත් කර ආණ්ඩුක්‍රම ව්‍යවස්ථාව උල්ලංඝණය කළ අයට නීතිය ක්‍රියාත්මක කිරීමට ශ්‍රී ලංකා නීතීඥ සංගමය මැදිහත්විය යුත්තේ ඇයි?

ශ්‍රී ලංකාවේ ආණ්ඩුක්‍රම ව්‍යවස්ථාව සහ එහි ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථා මුද්‍රණ අතර ඇති පරස්පරතාවය නිවැරදි කරගැනීමට නීතීඥවරු 209ක් විසින් සහ නීතීඥවරු නොවන පුරවැසියන් 104ක් විසින් ජනාධිපතිවරයාගෙන් 2025 අගෝස්තු 14 දින ඉල්ලීම් කර ඇත. ශ්‍රී ලංකාවේ ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ (ආ) ඡේදය සහ ඉංග්‍රීසි භාෂාවෙන් මුද්‍රණය කර ඇති ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ (b) ඡේදය එකිනෙකට පරස්පර වෙයි. මෙම පරස්පරතාවය නිසා ශ්‍රී ලංකාවේ පුරවැසියන්ගේ පරමාධිපත්‍යය අංගයක් වන ජනමතවිචාරණ ඡන්ද බලය අහිමි කරවා ඇත. ජනාධිපති ධූරකාලය සහ පාර්ලිමේන්තුව පවත්නා කාලය වසර 6කට වඩා වැඩි කිරීමට පමණක් ජනමතවිචාරණයක් මගින් ජනතාවගේ අනුමැතිය අවශ්‍ය බවත්, එම කාලය වසර 6කට වඩා අඩුකර ගැනීමට ජනමතවිචාරණයක් මගින් ජනතාවගේ අනුමැතිය අවශ්‍ය නොවන බවත් ඉංග්‍රීසියෙන් මුද්‍රණය කර ඇති ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ (b) ඡේදය අනුව දැක්වෙන අතර, ඒ අනුව 2015 දී ඉදිරිපත් වූ 19වන ආණ්ඩුක්‍රම ව්‍යවස්ථා සංශෝධනයේදී ජනාධිපති ධූරකාලය සහ පාර්ලිමේන්තුව පවත්නා කාලය වසර 6කට වඩා අඩු කර ගත්තේ එනම් වසර 5ක් බවට පත්කර ගනු ලැබූයේ ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථා මුද්‍රණය අනුව කටයුතු කිරීමෙන් ය. එසේ වුවත් ශ්‍රී ලංකාවේ ආණ්ඩුක්‍රම ව්‍යවස්ථාව අනුව කටයුතු කිරීමේදී එනම් ජනාධිපති ධූරකාලය සහ පාර්ලිමේන්තුව පවත්නා කාලය වසර 6කට වඩා අඩු කර ගැනීමට එනම් වසර 5ක් කිරීමට ජනමතවිචාරණයක් පවත්වා ජනතාවගේ අනුමැතිය ගත යුතු වෙයි. නීතියේ පාලනය සහ රටේ සංවර්ධනය ඇති කිරිම ආණ්ඩුක්‍රම ව්‍යවස්ථා 2ක් ක්‍රියාත්මක කිරීමෙන් කළ නොහැකිය. එසේම තරාතිරම අනුව නීතිය ක්‍රියාත්මක කිරීමෙන්ද කළ නොහැකිය. ශ්‍රී ලංකා ආණ්ඩුක්‍රම ව්‍යවස්ථාවේ සිංහල සහ ඉංග්‍රීසි භාෂා මුද්‍රණ අතර ඇති වෙනස යටපත් කර ක්‍රියා කිරීමට විධායකයට හෝ ව්‍යවස්ථාදායකයට හෝ අධිකරණයට හෝ ඒ ත්‍රිත්වයට එකතුවී හෝ කළ නොහැකිය. ශ්‍රී ලංකා ජනරජයේ පරමාධිපත්‍යය ජනතාව වෙත වන අතර පරමාධිපත්‍යය අත්හැරීමටද නොහැකිය. ආණ්ඩුක්‍රම ව්‍යවස්ථා 2ක් ශ්‍රී ලංකාවේ ක්‍රියාත්මක වීම හේතුවෙන් අයුක්තියට පත් ශ්‍රී ලාංකීය පුරවැසියන්ට යුක්තිය ඉටුවිය යුතුය. එසේම මේ වෙනස්කම් යටපත් කර ආණ්ඩුක්‍රම ව්‍යවස්ථාව උල්ලංඝණය කළ අයට එරෙහිව නීතිය ක්‍රියාත්මක වීමද විය යුතුය. ආණ්ඩුක්‍රම ව්‍යවස්ථා 2ක් ක්‍රියාත්මකවීම නතර කර ගැනීමට නීතීඥවරු 209ක් සහ නීතීඥවරු නොවන පුරවැසියන් 104ක් විසින් 2025.08.14 දින ජනාධිපතිතුමාගෙන් කරන ලද ඉල්ලීම සම්බන්ධයෙන් ස්වාධීන රූපවාහිනීයේ 2025.08.14 දින සවස 6.30 ප්‍රවෘත්ති විකාශයේ https://www.youtube.com/live/s5YIqYDoGvo?si=etwh3jdgQuf4gyQo?&t=1686 සහ 2025.08.15 දින දිවයින පුවත්පතේ 2 වන පිටුවේ පළවූ "සිංහල මුද්‍රණයට ගැලපෙන ලෙස ආණ්ඩුක්‍රම ව්‍යවස්ථාවේ ඉංග්‍රීසි මුද්‍රණය නිවැරදි කරන්න." (දිවයින 2025.08.15) https://www.divaina.lk/main-news/22720 පුවත් මගින්ද මෙම කාරණය ජනතාවට සන්නිවේදනය වී සහ ප්‍රසිද්ධ වී ඇත. 1978 ආණ්ඩුක්‍රම ව්‍යවස්ථාවේ සිංහල - ඉංග්‍රීසි මුද්‍රණ අතර ඇති පරස්පරතා යටපත් කර ආණ්ඩුක්‍රම ව්‍යවස්ථාව උල්ලංඝණය කළ අයට නීතිය ක්‍රියාත්මක කිරීමට සහ මෙහිදී අයුක්තියට පත් පුරවැසියන්ට යුක්තිය ඉටුකිරීමට ශ්‍රී ලංකා නීතීඥ සංගමයට ආණ්ඩුක්‍රම ව්‍යවස්ථාවේ 28වන ව්‍යවස්ථාවෙන් සහ ආණ්ඩුක්‍රම ව්‍යවස්ථාවේ හතරවන උපලේඛන අනුව ව්‍යවස්ථාමය යුතුකමක් පැවරී ඇත. නීතීඥ අරුණ ලක්සිරි උණවටුන B.Sc(Col), PGDC(Col), සමායෝජක, වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන. දුරකථන 0712063394 (2025.08.16)