ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාවේ 83වන ව්‍යවස්ථාවේ (b) ඡේදය නිවැරදි කරන ලෙස නීතීඥවරු 209ක් ඉල්ලන හෙයින් පනත් කෙටුම්පතක ආණ්ඩුක්‍රම ව්‍යවස්ථානුකූලත්වය සම්බන්ධයෙන් ශ්‍රේෂ්ඨාධිකරණයේ නඩු පවරද්දී හෝ වෙනත් කාරණාවකදී ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාව තවදුරටත් යොදා ගැනීම චේතනාන්විතව ආණ්ඩුක්‍රම ව්‍යවස්ථාව උල්ලංඝණය කිරීමක්ද?
ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාවේ 83වන ව්‍යවස්ථාවේ (b) ඡේදය නිවැරදි කරන ලෙස නීතීඥවරු 209ක් ඉල්ලන හෙයින් පනත් කෙටුම්පතක ආණ්ඩුක්‍රම ව්‍යවස්ථානුකූලත්වය සම්බන්ධයෙන් ශ්‍රේෂ්ඨාධිකරණයේ නඩු පවරද්දී හෝ වෙනත් කාරණාවකදී ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාව තවදුරටත් යොදා ගැනීම චේතනාන්විතව ආණ්ඩුක්‍රම ව්‍යවස්ථාව උල්ලංඝණය කිරීමක්ද?
1. ශ්‍රී ලංකාවේ ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ (ආ) ඡේදය සහ එහි ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාවේ (b) ඡේදය නොගැලපෙන බවත්, වෙනස් බවත් එය නිවැරදි විය යුතු බවත් සමාජයේ කතිකාවක් ආරම්භ වී ඇත.
2. ශ්‍රී ලංකාවේ ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ (ආ) ඡේදය අනුව ජනාධිපති ධූර කාලය (30.2) සහ පාර්ලිමේන්තුව පවත්නා කාලය (62.2) සම්බන්ධයෙන් සංශෝධනයක් ගෙනෙන විට ජනමතවිචාරණයක් මගින් ජනතාවගේ අනුමැතිය අවශ්‍යවන අතර, එහි ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ (b) ඡේදය අනුව ජනාධිපති ධූර කාලය (30.2) සහ පාර්ලිමේන්තුව පවත්නා කාලය (62.2) වසර 6කට වඩා වැඩි කරන සංශෝධන සඳහා පමණක් ජනමතවිචාරණයක් මගින් ජනතාවගේ අනුමැතිය අවශ්‍ය වුවද වසර 6ට වඩා අඩු කරන සංශෝධන සඳහා ජනමතවිචාරණයක් අවශ්‍ය නොවේ.
3. ඒ අනුව ශ්‍රී ලංකාවේ ආණ්ඩුක්‍රම ව්‍යවස්ථාවට වෙනස්ව එහි ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාව ක්‍රියාත්මක වන අතර ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාව ශ්‍රී ලංකාවේ ආණ්ඩුක්‍රම ව්‍යවස්ථාවට පටහැනිවීමෙන් ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාව ශ්‍රී ලංකාවේ ආණ්ඩුක්‍රම ව්‍යවස්ථාව උල්ලංඝණය කරමින් ඇත.
4. ආණ්ඩුක්‍රම ව්‍යවස්ථාවේ 83වන ව්‍යවස්ථාවේ (ආ) ඡේදය නිවැරදිව ඉංග්‍රීසි භාෂාවට පරිවර්තනය කර ඉංග්‍රීසි භාෂාවෙන් ආණ්ඩුක්‍රම ව්‍යවස්ථාව නැවත පළ කර ගැනිමට නීතීඥවරු 209ක් ජනාධිපතිතුමාගෙන් ඉල්ලීම් කරන අතර එතුමාට එම ඉල්ලීම බාර දීම සඳහා දෙවන වරටත් ජනාධිපති ලේකම්තුමා වෙත ඉල්ලීමක් කර ඇති අතර (පළමු ඉල්ලීම එතුමා මාලදිවයිනේ සංචාරයක යෙදී සිටි හෙයින් නොහැකි විය) ඒ අනුව ජනාධිපති ලේකම්තුමා විසින් ලබා දෙන ඉදිරි දිනයක මෙම ඉල්ලීම ජනාධිපතිතුමා වෙත ඉදිරිපත් කිරීමට පියවර ගනු ඇත.
5. ආණ්ඩුක්‍රම ව්‍යවස්ථාවේ 83වන ව්‍යවස්ථාවේ (ආ) ඡේදය නිවැරදිව ඉංග්‍රීසි භාෂාවට පරිවර්තනය කර ඉංග්‍රීසි භාෂාවෙන් ආණ්ඩුක්‍රම ව්‍යවස්ථාව නැවත පළ කර ගැනීමට නීතීඥවරු 209ක් ජනාධිපතිතුමාගෙන් කරන ඉල්ලීම ශ්‍රී ලංකා නීතීඥ සංගමය මගින් එතුමාට බාර දීම සුදුසු බවටද නීතීඥ සංගමයේ සභාපතිවරයා වෙත ඉල්ලීම් ඉදිරිපත් කර ඇති අතර මෙම ඉල්ලීම සම්බන්ධයෙන් වන කාරණය ශ්‍රී ලංකා නීතීඥ සංගමයට අමතරව නීති කෙටුම්පත් දෙපාර්තමේන්තුවට, නීති කොමිෂන් සභාවට, අධිකරණ ඇමතිතුමාට, අධිකරණ අමාත්‍යාංශයේ ලේකම්තුමියට, මීගමුව නීතීඥ සංගමයට, වැලිසර නීතීඥ සංගමයට, නුගේගොඩ නීතීඥ සංගමයට, හෝමාගම නීතීඥ සංගමයට, කොළඹ මහේස්ත්‍රාත් අධිකරණ නීතීඥ සංගමයට, කොළඹ මහාධිකරණ නීතීඥ සංගමයට, කොළඹ විශ්ව විද්‍යාලයේ නීති පීඨයේ පීඨාධිපතිට, කොළඹ විශ්ව විද්‍යාලයේ නීති පීඨ ශිෂ්‍ය සංගමයේ සභාපතිට,
මැතිවරණ කොමිෂන් සභාවේ සභාපතිට, ශ්‍රී ලංකා නීති විද්‍යාලයේ විදුහල්පතිට, ශ්‍රී ලංකා නීති විද්‍යාලයේ ශිෂ්‍ය සංගමයට, ශ්‍රී ලංකා නීති විද්‍යාලයේ සිංහල ශිෂ්‍ය සංගමයට සහ විවෘත විශ්ව විද්‍යාලයේ මානව ශාස්ත්‍ර හා සමාජීය විද්‍යා දෙපාර්තමේන්තුවේ නීති අධ්‍යාපන දෙපාර්තමේන්තුවේ අංශාධිපති වෙතද අවධානයට යොමු කර ඇත.
6. ඉහත කාරණා අනුව 1978 ආණ්ඩුක්‍රම ව්‍යවස්ථාව පැනවූ දා සිටම ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාවේ පවතින දෝෂය ( ශ්‍රී ලංකාවේ ආණ්ඩුක්‍රම ව්‍යවස්ථාව නිවැරදිව ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාවේ නොදැක්වීම) නිවැරදි නොකර තවදුරටත් ඉදිරියට ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාව අනුව ක්‍රියාත්මක වීම ආණ්ඩුක්‍රම ව්‍යවස්ථාවේ හතරවන උපලේඛනය අනුව ආණ්ඩුක්‍රම ව්‍යවස්ථාව ආරක්ෂා කොට අනුගමනය කිරීමේ ප්‍රතිඥාව / දිව්රුම කඩ කරවයි.
7. ආණ්ඩුක්‍රම ව්‍යවස්ථාවේ 83වන ව්‍යවස්ථාවේ (ආ) ඡේදය නිවැරදිව ඉංග්‍රීසි භාෂාවට පරිවර්තනය කර ඉංග්‍රීසි භාෂාවෙන් ආණ්ඩුක්‍රම ව්‍යවස්ථාව නැවත පළ කර ගැනීමට නීතීඥවරු 209ක් ජනාධිපතිතුමාගෙන් ඉල්ලීම මේ වන විට විධායකයේ ආයතන කිහිපයක් දැනුවත් හෙයින් පනත් කෙටුම්පතක ආණ්ඩුක්‍රම ව්‍යවස්ථානුකූලත්වය සම්බන්ධයෙන් ශ්‍රේෂ්ඨාධිකරණයේ නඩු පවරද්දී හෝ වෙනත් කාරණයකදී ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාව (83වන ව්‍යවස්ථාව වැනි....) තවදුරටත් යොදා ගැනීම චේතනාන්විතව ආණ්ඩුක්‍රම ව්‍යවස්ථාව උල්ලංඝණය කිරීමක් වන අතර එය වැළක්වීම සඳහා එහිදී ශ්‍රී ලංකාවේ ආණ්ඩුක්‍රම ව්‍යවස්ථාව පමණක් යොදා ගත යුතු වන අතර ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථාව යොදා නොගත යුතු තත්ත්වයක් පැන නගින අතර, එවැනි අවස්ථාවකදී එය ශ්‍රේෂ්ඨාධිකරණයේ අවධානයට යොමු කිරීම ශ්‍රී ලංකා නීතීඥ සංගමයේත්, අධිකරණ ඇමති සහ අධිකරණ අමාත්‍යාශයේ ලේකම් ඇතුලු අයගේත් නෛතික යුතුකමක් වෙයි.
අරුණ ලක්සිරි උණවටුන B.Sc(Col), PGDC(Col), නීතීඥ
සමායෝජක, වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන. දුරකථන 0712063394
(2025.08.01)
Comments
Post a Comment