පළාත් සභා බලතල අහිමි කරන බව කියන ගෙවල් කුලී පනත ඉවත් කිරීමේ පනත් කෙටුම්පතට එරෙහි නඩු විභාගය පවත්වන ලෙස පෙත්සම්කරු ඉල්ලා සිටියද, එම පනත් කෙටුම්පත යළි සළකා බලන බවට නීතිපතිගේ දැනුම් දීම මත නඩු විභාගය අවසන් කිරීමට ශ්‍රේෂ්ඨාධිකරණය තීරණය කරයි.

පළාත් සභා බලතල අහිමි කරන බව කියන ගෙවල් කුලී පනත ඉවත් කිරීමේ පනත් කෙටුම්පතට එරෙහි නඩු විභාගය පවත්වන ලෙස පෙත්සම්කරු ඉල්ලා සිටියද, එම පනත් කෙටුම්පත යළි සළකා බලන බවට නීතිපතිගේ දැනුම් දීම මත නඩු විභාගය අවසන් කිරීමට ශ්‍රේෂ්ඨාධිකරණය තීරණය කරයි.

අධිකරණ අමාත්‍යවරයා විසින් පාර්ලිමේන්තුවට ඉදිරිපත් කර තිබෙන ගෙවල් කුලී පනත ඉවත් කිරීම සඳහා වූ පනත් කෙටුම්පත පිළිබඳව යළි සලකා බැලීමට තීරණය කර ඇතැයිද ඒ අනුව නැවත එම පනත් කෙටුම්පත ඉදිරිපත් කරන බවත් එම කෙටුම්පතට එරෙහි පෙත්සම විභාගයේදී නීතිපතිවරයා ශ්‍රේෂ්ඨාධිකරණයට 2026 පෙබරවාරි 09 දින දැනුම් දුන්නේය. ගෙවල් කුලී පනත ඉවත් කිරීම සඳහා වූ පනත් කෙටුම්පත අභියෝගයට ලක් කරමින් ගොනු කර තිබූ පෙත්සම අද (09) මහින්ද සමයවර්ධන, අර්ජුන ඔබේසේකර සහ සම්පත් අබේකෝන් විනිසුරුවරුතුමන්ලා ඉදිරියේ කැඳ වූ අවස්ථාවේදී නීතිපතිවරයා වෙනුවෙන් පෙනී සිටි අතිරේක සොලිසිටර් ජෙනරාල් සුමති ධර්මවර්ධන මහතා මෙම දැනුම්දීම සිදු කළේය. පදිංචිකරුවන් ආරක්ෂා කිරීමේ පනත් කෙටුම්පත සහ ගෙවල් කුලී පනත ඉවත් කිරීම සඳහා වූ පනත් කෙටුම්පත සම්බන්ධයෙන් අදහස් හා යෝජනා ලබා ගැනීම සඳහා අධිකරණ අමාත්‍යවරයා විසින් පෙබරවාරි මස 03 වනදා සිට මාසයක කාලයක් ලබා දී තිබෙන බවත් අතිරේක සොලිසිටර් ජෙනරාල් සුමති ධර්මවර්ධන මහතා අධිකරණයට දැනුම් දුන්නේය. පදිංචිකරුවන් ආරක්ෂා කිරීමේ පනත් කෙටුම්පතට එරෙහිව SC/SD/06/26 , SC/SD/07/26, SC/SD/08/26 , SC/SD/09/26 , SC/SD/10/26 අංක දරන පෙත්සම් ඉදිරිපත් කර තිබූණ අතර, එම කෙටුම්පත යළි සළකා බැලීමට අධිකරණ අමාත්‍යාංශය තීරණය කර ඇති බවට නීතිපතිවරයා දනුම් දීමෙන් පසු පෙත්සම්කරුවන් සිය පෙත්සම් ඉල්ලා අස්කර ගන්නා බව ශ්‍රේෂ්ඨාධිකරණ ත්‍රී පුද්ගල විනිසුරු මණ්ඩලයට දැනුම් දුන්නේය. ගෙවල් කුලී පනත ඉවත් කිරීම සඳහා වූ පනත් කෙටුම්පත පිළිබඳවද යළි සලකා බැලීමට අධිකරණ අමාත්‍යාංශය තීරණය කර ඇතැයි නීතිපතිවරයා ශ්‍රේෂ්ඨාධිකරණයට දැනුම් දුන්නද එම පනත් කෙටුම්පතට එරෙහිව ආණ්ඩුක්‍රම ව්‍යවස්ථානුකූලත්වය පිළිබඳ SC/SD/11/26 අංක දරන පෙත්සම ඉදිරිපත් කර තිබූ නීතීඥ අරුණ ලක්සිරි උණවටුන සිය පෙත්සම පවත්වාගෙන යන බවත් පාර්ලිමේන්තුවේ කතානායකවරයා වෙත ශ්‍රේෂ්ඨාධිකරණ තීරණය යොමු කරන ලෙසත් ශ්‍රේෂ්ඨාධිකරණ විනිසුරුතුමන්ලාගෙන් ඉල්ලා සිටියේ ය. අධිකරණ සහ ජාතික ඒකාබද්ධතා අමාත්‍යවරයා විසින් 1972 අංක 7 දරන ගෙවල් කුලී පනත ඉවත් කිරීම සදහා වූ පනත් කෙටුම්පත පාර්ලිමේන්තු න්‍යාය පත්‍රයට ඇතුලත් කර පාර්ලිමේන්තුවට ඉදිරිපත් කළ බවත් එමගින් 1972 අංක 7 දරන ගෙවල් කුලී පනත ඉවත් කිරීම සදහාද, එකී ඉවත් කිරීමෙන් පසු අන්තර්කාලීන විධිවිධාන ඇති කිරීමටද විධිවිධාන සළසා ඇති බවත් ගෙවල් කුලී පනත ඉවත් කිරීමට එරෙහිව පෙත්සම ශ්‍රේෂ්ඨාධිකරණයට ඉදිරිපත් කරමින් නීතීඥ අරුණ ලක්සිරි උණවටුන සිය පෙත්සමේ දක්වා ඇත.   බලවත් තැනැත්තන්ගේ නෛතික අයිතිවාසිකම් අහිමි කිරීමට නීති පැනවීමේදී හෝ බලවත් තැනැත්තන්ගේ නෛතික අයිතිවාසිකම් වෙනුවෙන් පවතින නීති ඉවත් කිරීමේදී මෙන් නොව 1972 අංක 7 දරන ගෙවල් කුලී පනත ඉවත් කිරීම සදහා වූ පනත් කෙටුම්පත මගින් නීති පැනවීමේදී ජනතාවගේ පරමාධිපත්‍යය, බුද්ධාගමට ප්‍රමුඛස්ථානය පිරිනැමීම සහ බුද්ධ ශාසනය සුරක්ෂිත කර පෝෂණය කිරීමේ රජයේ වගකීම, නීතිය පසිදලීම සහ නීතියේ රැකවරණය, බලවත් තැනැත්තන්ගෙන් අබල තැනැත්තන් අරක්ෂා කිරීම, එකලාව හෝ අන් අය සමග යම් නීත්‍යානුකූල රැකියාවක, වෘත්තියක, කර්මාන්තයක, වෙළද ව්‍යාපාරයක හෝ ව්‍යවසායක නියුක්ත වීමේ නිදහසට, ශ්‍රී ලංකාව තුළ අභිමත ස්ථානයක වාසය කිරීමේ නිදහසට, රාජ්‍ය ප්‍රතිපත්තිය මෙහෙය වීමේ මූලධර්ම සහ යුතුකම් වලට, ජනාධිපතිවරයාගේ බලතල හා කාර්යයට, පළාත් සභා ප්‍රඥප්ති සෑදීම සහ ආණ්ඩුක්‍රම ව්‍යවස්ථාවේ නවවන උපලේඛනයේ 1වන ලැයිස්තුවේ විධිවිධාන වලට අදාල ආණ්ඩුක්‍රම ව්‍යවස්ථාමය ප්‍රතිපාදන වලට පටහැනි බවත්, ඒ් අනුව ආණ්ඩුක්‍රම ව්‍යවස්ථාවේ 3, 4.ඇ, 9, 12.4, 14.1උ, 14.1ඌ, 27, 28, 33ඊ, 154උ. ව්‍යවස්ථා උල්ලංඝණය කරන බවත් ගෙවල් කුලී පනත ඉවත් කිරීමට එරෙහි පෙත්සම මගින් එම නීතීඥවරයා ශ්‍රේෂ්ඨාධිකරණයට පෙන්වා දී ඇත. අධිකරණ අමාත්‍යවරයා විසින් පාර්ලිමේන්තුවට ඉදිරිපත් කර තිබෙන ගෙවල් කුලී පනත ඉවත් කිරීම සඳහා වූ පනත් කෙටුම්පත පිළිබඳව යළි සලකා බැලීමට අධිකරණ අමාත්‍යාංශය තීරණය කර ඇති බව සහ 2026 පෙබරවාරි 03 වනදා සිට මාසයක කාලයක් ඒ සඳහා ලබා දී තිබෙන බවත් ඒ අනුව නැවත එම පනත් කෙටුම්පත ඉදිරිපත් කරන බවට නීතිපතිවරයාගේ ස්ථාවරය බව 2026 පෙබරවාරි 09 දින ශ්‍රේෂ්ඨාධිකරණයට දැනුම් දුන්නද, පළාත් සභා බලතල අහිමි කරන බව කියන සහ එම පනත් කෙටුම්පත මගින් ආණ්ඩුක්‍රම ව්‍යවස්ථාව උල්ලංඝණය කර ඇති බවට කරුණු දක්වන ගෙවල් කුලී පනත ඉවත් කිරීමේ පනත් කෙටුම්පතට එරෙහි ශ්‍රේෂ්ඨාධිකරණ නඩු විභාගය පවත්වා පාර්ලිමේන්තුවේ කතානායකවරයා වෙත ශ්‍රේෂ්ඨාධිකරණ තීරණය යොමු කරන ලෙස නීතීඥ අරුණ ලක්සිරි උණවටුන මහතා ශ්‍රේෂ්ඨාධිකරණ ත්‍රී පුද්ගල විනිසුරු පීඨයෙන් ඉල්ලා සිටියේය. ගෙවල් කුලී පනත ඉවත් කිරීම සඳහා වූ පනත් කෙටුම්පත සම්බන්ධයෙන් අදහස් හා යෝජනා ලබා ගැනීම සඳහා අධිකරණ අමාත්‍යවරයා විසින් පෙබරවාරි මස 03 වනදා සිට මාසයක කාලයක් ලබා දී තිබෙන තත්ත්වය සහ ඒ අනුව නැවත එම පනත් කෙටුම්පත ඉදිරිපත් කරන බවට නීතිපතිවරයාගේ ස්ථාවරය මත ගෙවල් කුලී පනත ඉවත් කිරීම සඳහා වූ පනත් කෙටුම්පතට අදාල ආණ්ඩුක්‍රම ව්‍යවස්ථානුකූලත්වය සම්බන්ධ පෙත්සමේ විභාගය අවසන් කිරීමට ශ්‍රේෂ්ඨාධිකරණය තීරණය කළේය. වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන දුරකථන 0712063394 (2026.02.09)