පාර්ලිමේන්තු න්‍යාය පත්‍රයේ පළකර නැති පාර්ලිමේන්තුව විසින් මුද්‍රණය කිරීමට නියම කර ඇති බව මුහුණතේ නොදැක්වෙන පනත් කෙටුම්පත් ආණ්ඩුක්‍රම ව්‍යවස්ථාවේ 121 වන ව්‍යවස්ථාවට අයත් ද?

පාර්ලිමේන්තු න්‍යාය පත්‍රයේ පළකර නැති පාර්ලිමේන්තුව විසින් මුද්‍රණය කිරීමට නියම කර ඇති බව මුහුණතේ නොදැක්වෙන පනත් කෙටුම්පත් ආණ්ඩුක්‍රම ව්‍යවස්ථාවේ 121 වන ව්‍යවස්ථාවට අයත් ද?

පාර්ලිමේන්තු න්‍යාය පත්‍රයට ඇතුළත් නොකළ නමුත් ගැසට් පත්‍රයේ පමණක් පළ කරන ලද පනත් කෙටුම්පතකට ආණ්ඩුක්‍රම ව්‍යවස්ථාවේ 121 වන ව්‍යවස්ථාව යටතේ ආණ්ඩුක්‍රම ව්‍යවස්ථානුකූලත්වය සෘජුවම පරීක්ෂා කිරීමට ශ්‍රේෂ්ඨාධිකරණයට අධිකරණ බලය තිබේද යන්නත්, කෙසේ වෙතත් ආණ්ඩුක්‍රම ව්‍යවස්ථාවේ 121 වන ව්‍යවස්ථාව මගින් ශ්‍රේෂ්ඨාධිකරණයට අධිකරණ බලය පිරිනමා ඇත්තේ පාර්ලිමේන්තු න්‍යාය පත්‍රයට ඇතුළත් කර ඇති සහ ඒ අනුව පාර්ලිමේන්තුව විසින් මුද්‍රණය කිරීමට නියම කර ඇති පනත් කෙටුම්පතක ආණ්ඩුක්‍රම ව්‍යවස්ථානුකූලත්වය පරීක්ෂා කිරීමට බවත්, 2026.08.18 දින සවස 2 සිට 6 දක්වා කොළඹ මහජන පුස්තකාල ප්‍රවේශාගාරයේදී පවත්වන ලද නීති අධ්‍යාපන වැඩසටහනේදී නීතීඥ අරුණ ලක්සිරි උණවටුන මහතා පැවසීය. ඒ අනුව පාර්ලිමේන්තු න්‍යාය පත්‍රයට ඇතුළත් කර නැති එසේම පාර්ලිමේන්තුව විසින් මුද්‍රණය කිරීමට නියම කර ඇති බවට පනත් කෙටුම්පතේ මුහුණතේ නොදැක්වෙන නමුත් හුදෙක් ආණ්ඩුක්‍රම ව්‍යවස්ථාවේ 78 වන ව්‍යවස්ථාව යටතේ ගැසට් පත්‍රයේ පළ කර ඇති පනත් කෙටුම්පතක, ආණ්ඩුක්‍රම ව්‍යවස්ථානුකූලත්වය පරීක්ෂා කිරීමට ආණ්ඩුක්‍රම ව්‍යවස්ථාවේ 121 වන ව්‍යවස්ථාව යටතේ ශ්‍රේෂ්ඨාධිකරණයට අධිකරණ බලය පිරිනමා නැති බවද නීතීඥ අරුණ ලක්සිරි මහතා වැඩි දුරටත් පැහැදිලි කරනු ලැබීය. ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ (ආ) ඡේදය, 30.2 සහ 62.2 අනුව්‍යවස්ථා එකිනෙක පරටහැනිව සහ පරස්පරව පවතින බවත් ඒ ව්‍යවස්ථා සඳහා කතානායකවරුන් 2කු සහතිකය යොදා ඇති බවත් එවැනි අවස්ථාවක ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ පවතින ව්‍යවස්ථා අතර ගැටීමක් ඇතිවීම මතම ආණ්ඩුක්‍රම ව්‍යවස්ථාවේ ව්‍යවස්ථාවලට පටහැනි සහ පරස්පර වීමෙන් ඕනෑම පනත් කෙටුම්පතක් නීතියක් වන්නේ ජනමතවිචාරණයක් මගින් ජනතාව අනුමත කිරීමෙන් පසු ජනාධිපතිවරයාගේ සහතිකය සටහන් කිරීමෙන් පසුව බවත් නීතීඥ අරුණ ලක්සිරි මහතා පෙන්වා දුන්නේය. මේ අවස්ථාවට නීතීඥවරුන් ඇතුළු පුරවැසියන්, මාධ්‍යවේදීන් සහභාගී වී සිටි අතර නීතීඥ අජිත් බන්දුල මහතා විසින් මියුරු තබ්ලා වාදනයකින්ද නීති අධ්‍යාපන වැඩසටහන රසවත් කරන ලදී. මෙම නීති අධ්‍යාපන වැඩසටහන වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන යටතේ පවත්වන ලද 36 වන නීති අධ්‍යාපන වැඩසටහන වෙයි. https://youtube.com/shorts/eLMtK7X5gn4?si=AjaoDBG1IjLS84FE සමායෝජක, වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන. දුරකථන 0712063394 (2026.08.18)