22 තීරණයටත් මැතිවරණ කොමිසමත් වැරදියි කියන ඉංග්‍රීසි භාෂා ආණ්ඩුක්‍රම ව්‍යවස්ථා පිටපතම යොදා ගැනීමට ශ්‍රේෂ්ඨාධිකරණය ක්‍රියා කළේ ඇයි?

22 තීරණයටත් මැතිවරණ කොමිසමත් වැරදියි කියන ඉංග්‍රීසි භාෂා ආණ්ඩුක්‍රම ව්‍යවස්ථා පිටපතම යොදා ගැනීමට ශ්‍රේෂ්ඨාධිකරණය ක්‍රියා කළේ ඇයි?

1. 1978 ආණ්ඩුක්‍රම ව්‍යවස්ථාවේ සහ ඉංග්‍රීසි භාෂාවෙන් ඇති ආණ්ඩුක්‍රම ව්‍යවස්ථා පිටපතේ වෙනස්කම් කිහිපයක්ම පවතී. 2. 1972 ආණ්ඩුක්‍රම ව්‍යවස්ථාවේ 9, 49 සහ 51 ව්‍යවස්ථා අනුව ජාතික රාජ්‍ය සභාව විසින් 1978 ආණ්ඩුක්‍රම ව්‍යවස්ථාව පනවනු ලැබ ඇත. 3. 1978 ආණ්ඩුක්‍රම ව්‍යවස්ථාවේ 83 වන ව්‍යවස්ථාව යනු ජනමතවිචාරණයක් මගින් සංශෝධනය කිරීම කළ යුතු ව්‍යවස්ථා 12 දක්වා ඇති ජනතාවගේ පරමාධිපත්‍යය නිරූපණය කරන බලවත්ම ව්‍යවස්ථාවයි. 4. 1978 ආණ්ඩුක්‍රම ව්‍යවස්ථාවේ 83 වන ව්‍යවස්ථාවේ (අ) සහා (ආ) ලෙස ඡේද 2ක් වෙයි. 5. 1978 ආණ්ඩුක්‍රම ව්‍යවස්ථාවේ (ආ) ඡේදය සහ ඊට අනුරූප ඉංග්‍රීසි භාෂාවෙන් ඇති 1978 ආණ්ඩුක්‍රම ව්‍යවස්ථාවේ (b) ඡේදය වෙනස් අතර, ආණ්ඩුක්‍රම ව්‍යවස්ථාවේ (ආ) ඡේදය නිවැරදිව ඉංග්‍රීසි භාෂාවට පරිවර්තනය කරන ලෙස මැතිවරණ කොමිෂන් සභාවේ සභාපති විසින් ජනාධිපති ලේකම් වෙත 2025.08.11දින දන්වා යවා ඇත. 6. ශ්‍රේෂ්ඨාධිකරණය විසින්ද අවස්ථා ගණනාවකදී ඉංග්‍රීසි භාෂාවෙන් ඇති වැරදි 1978 ආණ්ඩුක්‍රම ව්‍යවස්‍ථාවේ විධිවිධාන යොදා ගනිමින් පනත් කෙටුම්පතක ආණ්ඩුක්‍රම ව්‍යවස්ථානුකූලත්වය පිළිබ‍ඳ ශ්‍රේෂ්ඨාධිකරණ තීරණය පාර්ලිමේන්තුවට දැනුම් දී ඇත. 7. 22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පතට සහ අධිකරණ සංවිධාන සංශෝධන පනත් කෙටුම්පතට එරෙහිව නීතීඥ අරුණ ලක්සිරි මහතා විසින් SC/ SD/ 37/2026 සහ SC/ SD/ 66/2026 පෙත්සම් ඉදිරිපත් කරමින් මැතිවරණ කොමිෂන් සභාවේ සභාපතිවරයා විසින් ඒ මහතා වෙත 2025.08.11 දින යොමු කරන ලද ආණ්ඩුක්‍රම ව්‍යවස්ථාවේ 83.(ආ) ඡේදය නිවැරදිව ඉංග්‍රීසි භාෂාවට පරිවර්තනය කරන ලෙස ජනාධිපති ලේකම් වෙත දැනුම් දුන් බවට වන ලිපියේ පිටපතක්ද ඉදිරිපත් කරමින් ශ්‍රේෂ්ඨාධිකරණය වෙත කරුණු දක්වා ඇත. 8. එකී මැතිවරණ කොමිෂන් සභාවේ සභාපතිවරයා ජනාධිපති ලේකම් වෙත යොමු කළ 2025.08.11 දිනැති ලිපියේ පිටපතක් තොරතුරු පනත යටතේ මැතිවරණ කොමිෂන් සභාවෙන් ලබා ගැනීමට පුරවැසියන් ට අවස්ථාව ඇත. 9. 22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පතට සහ අධිකරණ සංවිධාන සංශෝධන පනත් කෙටුම්පතට අදාල ශ්‍රේෂ්ඨාධිකරණ තීරණය පාර්ලිමේන්තු වෙබ් අඩවියේ 2026.09.22 දින සිට පළවී ඇති අතර එය අධ්‍යයනය කරගෙන යාමේදී ඉහත මැතිවරණ කොමිසමේ ලිපිය මගින් මතු කරන ආණ්ඩුක්‍රම ව්‍යවස්ථාවේ ඉංග්‍රීසි භාෂා වරද ශ්‍රේෂ්ඨාධිකරණය විසින් ප්‍රතික්ෂේප කිරීමක් සිදු කර නැති බව පෙනී යයි. 10. එසේම 22 වන ආණ්ඩුක්‍රම ව්‍යවස්ථා සංශෝධන සහ අධිකරණ සංවිධාන සංශෝධන කෙටුම්පත්වල ශ්‍රේෂ්ඨාධිකරණ තීරණය වැරදි ඉංග්‍රීසි භාෂා ආණ්ඩුක්‍රම ව්‍යවස්ථා පිටපතේ 83 වන ව්‍යවස්ථාවේ (b) ඡේදය තව දුරටත් යොදා ගනිමින් ලබා දී කතානායකතුමාට යොමු කර ඇති අතර ඒ අනුව ශ්‍රේෂ්ඨාධිකරණ තීරණ ආණ්ඩුක්‍රම ව්‍යවස්ථාවේ වැරදි ඉංග්‍රීසි පිටපතෙන් ලබා දී ඇත. 11.) 22වන ආණ්ඩුක්‍රම ව්‍යවස්ථා සංශෝධන පනත් කෙටුම්පතට අදාල ශ්‍රේෂ්ඨාධිකරණ තීරණයටත් මැතිවරණ කොමිසමත් වැරදියි කියන ඉංග්‍රීසි භාෂා ආණ්ඩුක්‍රම ව්‍යවස්ථා පිටපතම යොදා ගැනීමට ශ්‍රේෂ්ඨාධිකරණය ක්‍රියා කළේ ජනාධිපති සහ පාර්ලිමේන්තු කාලය වසර 6ක් බව තහවුරු වීමත්, 13 වන ආණ්ඩුක්‍රම ව්‍යවස්ථා සංශෝධනය සහ පළාත් සභා ආණ්ඩුක්‍රම ව්‍යවස්ථාවට පටහැනිවීමත් වැළැක්වීමටද යන්න ඉදිරියේදී විසඳිය හැකි නෛතික ප්‍රශ්නයකි. වෛද්‍ය තිලක පද්මා අනුස්මරණ නීති අධ්‍යාපන වැඩසටහන. දුරකථන 0712063394. (2026.09.22)