මැකො පෙන්වාදුන් ආණ්ඩුක්‍රම ව්‍යවස්ථාවේ 83 ව්‍යවස්ථාව වගේම 104 ව්‍යවස්ථාවේත් සිංහල ඉංග්‍රීසි භාෂා පාඨ වෙනස්....ජනාධිපති ලේකම්‍ට එරෙහිව නඩුවේදී නීතීඥවරයා කියයි....

මැකො පෙන්වාදුන් ආණ්ඩුක්‍රම ව්‍යවස්ථාවේ 83 ව්‍යවස්ථාව වගේම 104 ව්‍යවස්ථාවේත් සිංහල ඉංග්‍රීසි භාෂා පාඨ වෙනස්....ජනාධිපති ලේකම්‍ට එරෙහිව නඩුවේදී නීතීඥවරයා කියයි....

පසුගිය 25 වන සිකුරාදා නීතිඥ අරුණ ලක්සිරි උණවටුන මහතා විසින් ජනාධිපති ලේකම් ආචාර්ය නන්දික සනත් කුමානායක මහතාට එරෙහිව දණ්ඩ නීති සංග්‍රහයේ 289 වගන්තිය අදාලව කොටුව මහේස්ත්‍රාත් අධිකරණයේ අපරාධ නඩු විධාන සංග්‍රහ පනතේ 136.1.අ. වගන්තිය යටතේ නඩු පැවරීමක් කර තිබූ අතර 2026.09.30 දින කොටුව මහේස්ත්‍රාත් අධිකරණයේ එම නඩුව කැදවනු ලැබීය. මැතිවරණ කොමිෂන් සභාවේ සභාපතිගේ 2025.08.11 දිනැති ලිපියට අනුව ආණ්ඩුක්‍රම ව්‍යවස්ථාවේ 83වන ව්‍යවස්ථාවේ (ආ) ඡේදය නිවැරදිව ඉංග්‍රීසි භාෂාවට පරිවර්තනය කිරීම සදහා අවශ්‍ය කටයුතු සිදු නොකර ආණ්ඩුක්‍රම ව්‍යවස්ථාවේ 9වැනි ව්‍යවස්ථාව සහ දණ්ඩ නීති සංග්‍රහය 289 වගන්තිය යටතේ වන ව්‍යවස්ථාපිත යුතුකම නොසළකා හැරීම සහ/හෝ නොකර හැරීම සහ/හෝ නොපිළිපැදීම සහ/හෝ කඩකිරීම අදාලව නඩු විභාග කිරීමට අධිකරණ බලය ඇති වරදක් සිදුකර ඇති බවට 1979 අංක 15 දරන අපරාධ නඩු විධාන සංග්‍රහ පනතේ 136.1.අ. අනුවගන්තිය අනුව කරනු ලැබූ ලිඛිත පැමිණිල්ලක් මත නීතීඥ අරුණ ලක්සිරි උණවටුන මහතා විසින් ජනාධිපති ලේකම් ආචාර්ය නන්දික සනත් කුමානායක මහතාට එරෙහිව කොටුව මහේස්ත්‍රාත් අධිකරණයේ මෙම නඩුව පවරා තිබුණි. නඩුව විවෘත අධිකරණයේ කැදවනු ලැබූ අවස්ථාවේ පැමිණිලිකාර නීතීඥ අරුණ ලක්සිරි මහතා තමන් වෙනුවෙන් පෙනී සිටි අතර මෙම කාරණය ආණ්ඩුක්‍රම ව්‍යවස්ථා අර්ථනිරූපණයකට අදාලද යන්න මහේස්ත්‍රාත්තුමා විමසූ අවස්ථාවේ 1972 ආණ්ඩුක්‍රම ව්‍යවස්ථාවේ 9, 48, 47 සහ 51 ව්‍යවස්ථා යටතේ 1978 ආණ්ඩුක්‍රම ව්‍යවස්ථාවේ සිංහල භාෂා පාඨ ක්‍රියාත්මකවන බවත් මැතිවරණ කොමිසමේ සභාපති ජනාධිපති ලේකම්ට දැනුම් දී ඇත්තේ ආණ්ඩුක්‍රම ව්‍යවස්ථාවේ 83.b ඡේදයේ ඉංග්‍රීසි භාෂා පාඨය සිංහල භාෂා පාඨයට අනුව නිවැරදි කිරීමට බවත් ඉංග්‍රීසි භාෂා පාඨ නිවැරදි කිරීම ආණ්ඩුක්‍රම ව්‍යවස්ථා අර්ථනිරූපණයක් නොවන බවත් අධිකරණයේ අවධානයට යොමු කරන ලදී. එසේම ජනාධිපති ලේකම්වරයා විසින් සිදුකර ඇති දණ්ඩ නීති සංග්‍රහයේ 289 වන වගන්‍තියේ චෝදනාවේ වරදට අදාල ව්‍යවස්ථාපිත යුතුකම ඉටු නොකිරීමේ චෝදනාවට අදාල මැතිවරණ කොමිසමේ බලතල දැක්වෙන ආණ්ඩුක්‍රම ව්‍යවස්ථාවේ 104වන ව්‍යවස්ථාවේ සිංහල ඉංග්‍රීසි භාෂා පාඨ වලද වෙනස්කම් ඇති බවත් ආණ්ඩුක්‍රම ව්‍යවස්ථාවේ සිංහල භාෂා පාඨ ඇසුරෙන් මෙම නඩුවේදී කරුණු දක්වන බවත් පැමිණිලිකාර නීතීඥ අරුණ ලක්සිරි මහතා මහේස්ත්‍රාත්තුමාගේ අවධානයට යොමු කරන ලදී. කරුණු සළකා බැලූ මහේස්ත්‍රාත්තුමා මෙම නඩුවේ කාරණා අධ්‍යයනය කිරීමට අවශ්‍ය බවත්, පැමිණිලිකරුම පෞද්ගලිකව අධිකරණයේ කරුණු දක්වන හෙයින් පෞද්ගලික පැමිණිලි වාචිකව ඉදිරිපත් කිරීමට නීති ප්‍රතිපාදන පවතින හෙයින් පැමිණිල්ලේ කරුණු දැක්වීම් නොවැම්බර් 04 දිනට සිදුකිරීමට නියෝග කළේය. වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන. දුරකථන 0712063394 (2026.09.30)