ඉංග්‍රීසි භාෂාවෙන් ඇති පනතට කතානායක සහතිකය හොරට යොදා මුද්‍රණාලාධිපති සහ ජනමාධ්‍ය අමාත්‍යාංශ ලේකම් රටත්, ජාත්‍යන්තරයත් රවටනවාද?

ඉංග්‍රීසි භාෂාවෙන් ඇති පනතට කතානායක සහතිකය හොරට යොදා මුද්‍රණාලාධිපති සහ ජනමාධ්‍ය අමාත්‍යාංශ ලේකම් රටත්, ජාත්‍යන්තරයත් රවටනවාද?

1. ආණ්ඩුක්‍රම ව්‍යවස්ථාවේ 23වන ව්‍යවස්ථාව අනුව සිංහල සහ දෙමළ භාෂාවෙන් නීති පනවන අතර, ඉංග්‍රීසි භාෂාවෙන් පළකරන්නේ පරිවර්තනයක් පමණි 2. ආණ්ඩුක්‍රම ව්‍යවස්ථාවේ 79, 80 සහ 83 වන ව්‍යවස්ථා අනුව පාර්ලිමේන්තුව සම්මත කරන්නේ සිංහල සහ දෙමළ භාෂාවෙන් ඇති පනත් කෙටුම්පත් පමණක් වන අතර කතානායකවරයා සහතිකය යොදන්නේ සිංහල සහ දෙමළ භාෂාවෙන් ඇති පනත් සඳහා පමණි. 3. ඉංග්‍රීසි භාෂාවෙන් ඇති පනත් කෙටුම්පත් පාර්ලිමේන්තුව සම්මත කරන්නේ නැති අතර ඉංග්‍රීසි භාෂාවෙන් ඇති පරිවර්තන පනත්/ ඉංග්‍රීසි භාෂාවෙන් ඇති පනත් කෙටුම්පත් සඳහා කතානායකවරයා සහතිකය යොදන්නේ නැත. 4. ආණ්ඩුක්‍රම ව්‍යවස්ථාවේ එසේ පැහැදිලිව තිබියදී ඉංග්‍රීසි භාෂාවෙන් ඇති පනත් සඳහා කතානායකවරයාගේ සහතිකය ලැබී ඇති පරිදි හොරට යොදා ඇති බව රජයේ මුද්‍රණාල වෙබ් අඩවියෙන් බාගත කර ගන්නා ඉංගිසී භාෂාවෙන් ඇති පනත්වල මුහුණතේ කතානායකවරයා සහතික කර ඇති බව සටහන් කර තිබීමෙන් ලේඛනගත සාක්ෂි සහිතව තහවුරු වෙයි. 5. කතානායකවරයා සහතිකය ලැබී ඇති බව මුද්‍රණය කළ හැක්කේ සිංහල සහ දෙමළ භාෂාවෙන් ඇති පනත්වලට පමණක් වුවත් ඉංග්‍රීසි භාෂාවෙන් පරිවර්තන ලෙස පළකරන පනත් සඳහාත් කතානායකවරයාගේ සහතිකය සටහන් කිරීමෙන් සහ එය පරිවර්තනයක් බව සටහන් නොකිරීමෙන් ආණ්ඩුක්‍රම ව්‍යවස්ථා විධිවිධාන, ව්‍යවස්ථාපිත යුතුකම කඩකර ඇති මුද්‍රණාලාධිපති සහ ජනමාධ්‍ය අමාත්‍යාංශ ලේකම් ඉංග්‍රීසි භාෂාවෙන් අසත්‍ය ලේඛන රටටත් ජාත්‍යන්තරයටත් බෙදා හරිමින් පොදු දේපළද අවභාවිත කරමින් සිටී. 6. මුද්‍රණාලාධිපති සහ ජනමාධ්‍ය අමාත්‍යාංශ ලේකම් විසින් සිදුකරන ඉංග්‍රීසි භාෂාවෙන් ඇති පරිවර්තන පනත් මුද්‍රණය කිරීමේදී සිදුකරන මෙම වැරදි සම්බන්ධයෙන් නීතිය ක්‍රියාත්මක කරන ලෙස ඉල්ලමින් කොළඹ වංචා විමර්ශන කාර්යාලයට මේ වනවිට පැමිණිල්ලක්ද ඉදිරිපත් කිරීමට නීතීඥ අරුණ ලක්සිරි මහතා විසින් කටයුතු කර ඇත. 7. මේ සම්බන්ධයෙන් කොළඹ වංචා විමර්ශන කාර්යාලය විසින් සිදුකරන විමර්ශනයෙන් ශ්‍රී ලංකාවේ නීතිය අභිබවා ඉංග්‍රීසි භාෂාව ක්‍රියාත්මක වන්නේද යන්නද යන්නද එළිදරව්වනු ඇති අතර පොලීසිය මගින් සිදුකරන විමර්ශනයක් හෙයින් ඉංග්‍රීසි භාෂාවෙන් ඇති පනතට කතානායක සහතිකය හොරට යොදා මුද්‍රණාලාධිපති සහ ජනමාධ්‍ය අමාත්‍යාංශ ලේකම් රටත්, ජාත්‍යන්තරයත් රවටනවාද යන්න පිළිබඳ රජයේ ස්ථාවරයද අනාවරණය වෙනු ඇත. වෛද්‍ය තිලක පද්මා සුබසිංහ අනුස්මරණ නීති අධ්‍යාපන වැඩසටහන. දුරකථන 0712063394.